Skip to main content

Azken bideoak: Banka

bideoa prestatzen
BBK eta Vital fundazioen demokratizazioa eskatu du Kutxabank Publikoa plataformak

2019-07-10
Kutxabank erakunde erdipublikoa izaten jarraitzeko, BBK eta Vital fundazioak demokratizatu behar direla nabarmendu dute Kutxabank Publikoa osatzen duten sindikatu eta eragileek.
bideoa prestatzen
Bi etxe kaleratzeren aurkako elkarretaratzea egin dute CaixaBankeko egoitzaren aurrean

2019-06-04
CaixaBankek putre-funts batekin akordioa erdietsi ostean, bi etxe kaleratze betetzeko agindua eman du. Bi kasuetan akordioak erdietsi zituen bankuak jabeekin. Etxe kaleratzeen aurkako plataformak putre-funtsen presentzia geroz eta handiagoa dela salatu du.
bideoa prestatzen
Banku Fundazioen Foroak sektore ehun aditu elkartuko ditu Bilbon

2019-05-30
Ekainaren 3an, BBK Fundazioak, CEAS-en babes eta laguntzarekin, banku fundazioen sektoreko ordezkari nagusiak elkartuko ditu. Ekitaldiaren ardatza, banku fundazioek duten gizarte eragina aztertzea izango da, erronkak eta ikuspegi estrategikoak garatuz. Besteak beste, ereduaren iraunkortasuna, finantzak, gobernantza eredua, gizarte-ekimena eta komunikazioa izango dituzte hizpide. Pedro Aspiazu, Unai Rementeria eta Juan Mari Aburto bertan egongo dira.
bideoa prestatzen
Enrique Goñi eta UPN CANen desagerpenaren erantzule egotzi ditu Nafarroako Parlamentuko txostenak

2019-02-19
Nafarroako Kutxaren desagerpena ikertzen duen batzordeak Enrique Goñi eta UPN alderdia markatu ditu aurrezki kutxa suntsitzearen erantzule gisa. Batzordeak garatutako txostena eta haren ebazpenak ostiralean eztabaidatuko dira Parlamentuan.
bideoa prestatzen
Yolanda Barcinak CANen desagerpenean erantzule izan zela ukatu du

2019-01-16
Yolanda Barcina hiru urteren bueltan Nafarroako Parlamentuan izan da. CANeko, Nafarroako Kutxako, ikerketa batzordeak deitua deklaratu du. Barcinak bere errugabetasuna adierazi du behin eta berriz kutxaren kudeaketa eta desagerpenaren inguruan.
bideoa prestatzen
Etxe kaleratzeen uholde berri baten arriskuaz ohartarazi dute euskal plataformek

2018-11-15

Higiezinen kredituen lege berrian, aurreratutako epe mugaren atzera eraginaren klausula mantentzen bada, bankuek etxe kaleratzeak egiteko aukera izango dutela salatu dute Araba, Bizkai eta Gipuzkoako Kaleratzeak Stop plataformek. Klausula horren bidez, hipoteka ordaintzeari utzitakoan maileguaren osotasuna eskatzeko aukera dute bankuek. Eta salatu dutenez, hipoteka iruzurrengatik bederatzi kuota baino gehiago zor dituzten familia zaurgarriak etxerik gabe utziko lituzketela bankuek.

Klausula hori Europako Batasuneko Justizia Auzitegiak abusuzkotzat jotakoen artean dago, eta, ondorioz, hori baliatuta egin asmo ziren kaleratze prozedurak etenda geratu ziren. Iaz, ordea, Espainiako Auzitegi Gorenak bankuen aldeko mugimendua egin zuen, Europako auzitegiari hipoteken exekuzioaz galdetuta, aurreratutako epe mugaren atzera eragina aintzat hartuta. Ondorioz, 80.000 hipoteka exekuzio daude ebazpen zain.

Espainiako Diputatuen kongresuan asteazkenean egindako ekonomia batzordean, premiaz onartu nahi dute higiezinen kredituen lege berria. Eta kaleratzeen aurkako plataformek salatu dutenez, lege horren lehenengo xedapen iragankorrean aipatzen da aurreratutako epe mugaren atzera eragina. Kaleratzeen aurkako plataformek hipoteka kontratuetako klausuletatik bidegabeena dela hori salatu dute, Espainia mailan, egun indarrean dauden sei milioi hipoteketan ageri dena eta 600.000 kaleratze eragin dituena.

Hainbat gizarte eragile, alderdi politiko eta sindikaturen babesarekin egindako agerraldian, kaleratzeen aurkakoek eskaerak egin dizkiete euskal ordezkari publikoei. Hasteko, Eusko Legebiltzarreko alderdi politikoei eskatu diete Espainiako Kongresuan dituzten diputatuek bozka dezatela higiezinen kredituen lege berriko lehen xedapen iragankorra ezabatzearen alde.

Azkenik, Euskal Autonomia Erkidegoko erakundeei eskatu diete 2015ean hartutako konpromisoa bete dezatela, Araba, Bizkaia eta Gipuzkoa, zein Gasteiz, Bilbo eta Donostia kaleratzerik gabeko lurraldeak izateko hartutako konpromisoari, hain justu.