Skip to main content
bannerra

Azken bideoak: Langileak

bideoa prestatzen
Iruñeko Udalak 135 lan-postuz osatutako Lan Eskaintza Publikoa aurkeztu du

2019-02-12
Iruñeko Udalak 2019ko Lan Eskaintza publikoa osatzen duten 135 plazak aurkeztu ditu. Haietatik 50 reposiziozkoak izango dira 85 egokitzeari begira egindakoak. Helburu nagusietako bat behin-behinekotasuna etetea da. Deialdian bildutako plazak askoz jota hiru urteko epean deitu beharko dituzte.
bideoa prestatzen
"Prekarietateari ateak itxi" nahi dizkio Ernaik

2019-02-12
Ezkerraldeko Ernaiko gazteek La Navaleko langileak babesteko eta larunbatean prekarietatearen aurkako manifestaziora dei egiteko agerraldia egin dute. Gazte antolakundeak desindustrializazio politika salatu dute eta ontziola salbatzeaz gain, Ezkerralderako industria plan eraginkorra eskatu diote instituzioei. ‘Prekarietateari ateak itxi’ lemapean mobilizatuko dira otsailaren 16an Bilbon, Euskadi Plazatik abiatuta.
bideoa prestatzen
Villavesa enpresako langileek mobilizazioak deitu dituzte

2019-02-08
UGT eta Comisiones Obreras sindikatuek gutxiengo sindikala izanik, Iruñeko garraio publiko kolektiboa kudeatzen duen TCC enpresarekin hitzarmena sinatu dute. Langile batzordean gehiengoa duten ELA, ATTU eta LAB sindikatuak prentsaurrekoa ematen ari dira sindikatu minoritarioek enpresarekin sinatu duten akordioaren kontra eginen dituzten mobilizazioak iragartzeko. Adierazi dutenez, hitzarmen honek lan baldintzak okertzen ditu, lan taldearen zati bat opor eta jai egun gabe uzten dituela salatu dute. Mobilizazioak eta lanuzteak egingo dituzte Iruñeko eskualdeko Villavesa zerbitzuan. Azaldu dute estatutuetatik kanpo egindako hitzarmena dela eta prekarizazioa areagotzen duela, negozioazio kolektiboa dinamitatuz.
bideoa prestatzen
2000 lagun La Navaleko langileek Ezkerraldean deitutako manifestazioan

2019-02-08
2.000 pertsona bildu ziren La Navaleko langileek ezkerraldean deitutako manifestazioan. Barakaldo, Sestao eta Portugaleteko alkateek egin zuten bat mobilizazioarekin, besteak beste. Langileek azpimarratu zuten ontziola bideragarria dela eta larunbatean elkarretaratzea egingo dute BECen, Pedro Sanchez Espainiako presidentearen bisita baliatuta. Elkarretaratzean parte hartzera gonbidatu zituzten herritarrak.
bideoa prestatzen
Elkarretaratzea egin dute astelehenean Zizurkilen izandako lan-istripuagatik

2019-02-06
Astelehenean Zizurkilgo Construcciones Metalicas ULA enpresan izandako lan istripuari erantzuna emateko, langileek elkarretaratzea egin dute Amasa Villabonako errepide ertzean, Oria ibaiaren paper fabrikaren alboan. Eusko Jaurlaritzako segurtasun sailak azaldu duenez, lan-istripua pairatu zuen langilea, 43 urteko lazkaotarra, momentuan hil zen, ustez, bi tonako pisua zuen piezaren bat gainean erori ostean.
bideoa prestatzen
La Navaleko langileentzako hasi da atzera kontua

2019-02-04
La Naval enpresa jasaten ari den egoerak, ontziolaren itxierak eta plantila osoaren kaleratzeak eraman ditu langileak beste behin egoera honetara. Prentsaurrekoan azaldu dutenez La Navalek Ezkerraldeko enplegu sortzailea izaten jarraitu behar du, aberastasun ekonomiko eta sozialaren sortzailea. Beste behin, instituzioei eskatu die egoerari irtenbidea emateko. Inbertsio pribatuen laguntzarekin enpresa berriz martxan jartzea exigitu dute.