Skip to main content
bannerra

Azken bideoak: Langabezia

bideoa prestatzen
3.090 langabe gutxiago daude hilabete honetan Hego Euskal Herrian

2019-10-02
Iraileko langabezia datuak plazaratu dituzte. 3.090 langabe gutxiago zenbatu dituzte hilabete honetan Hego Euskal Herrian. Egun, 144.071 langabe dira guztira. Estatuan, berriz, zerbitzuen sektoreak daukan garrantzia kontuan hartuta, langabeziak % 0,45 egin du gora, abuztuan baino 13.907 langabe gehiago zenbatu baitituzte. Hori kontuan hartuta, Guztira, 3.079.711 pertsona daude lanik gabe.
bideoa prestatzen
Itxi egin dute Apoyos Metalicos Olaztiko enpresa

2019-09-06
Apoyos Metalicos itxi egin dute. Itxiera salatzeko manifestazioa eginen dute Altsasun, bihar eguerdian. Asteartean Olaztiko enpresako langileek elkarretaratzea egin zuten Iruñean, eta Industria arloaren egoitzan egoera bideratzeko eskaria erregistratu zuten. Atzokoan, Nafarroako Gobernuak enpresa batzordearekin eta zuzendaritzarekin deitu zuen bilera. Ez zen adostasunik lortu eta asteartean hasiko dira kaleratze baldintzak negoziatzen.
bideoa prestatzen
Uztailean baino 3.075 langabe gehiago daude abuztuan Hego Euskal Herrian

2019-09-03
147.161 langabe daude Hego Euskal Herrian. Espainiar Estatuan, azken bederatzi urteetan jasotako igoera handiena adierazi dute datuek, Euskal Herrian eragina izan duena. Horrenbestez, 3.075 langabe gehiago dago Hegoaldean. Iazko datuekin alderaketa eginez gero, uztaileko datuak baikorragoak dira. Izan ere, aurreko urtean baino 9.540 langabetu gutxiago daude Hego Euskal Herrian. Eta, 27.155 kotizatzaile gehiago.
bideoa prestatzen
Hego Euskal Herrian langabeziak behera egin du azken hilabetean

2019-07-02
Hego Euskal Herrian langabeziak behera egin du azken hilabetean. Espainiako Estatuko Lan, Migrazio eta Gizarte Segurantza Ministerioak jakinarazi du maiatzean baino 3.417 langabe gutxiago dagoela lau lurraldeetan. Aurreko hilabeteko datuekin alderatuta, % 3,8 txikitu da Gipuzkoan, Nafarroan % 2,84 jaitsi da, Araban %1,86 eta Bizkaian % 1,6. Guztira, 141.719 langile dabil lan bila Hegoaldean. Bizkaian, 63.913 langabe daude, 30.376 Nafarroan, 28.797 Gipuzkoan eta 18.633 Araban. Udaren hasierari lotutako enpleguei esker zerbitzuetako langabezia gutxitu da 2.086. Industrian 283 txikitu da eta eraikuntzan ere bai 253, baina aurreko hilabeteetan baino gutxiago hala ere. Horrez gain, lana dutenen kopurua handitu egin da: bataz beste, 1.262.627 lagunek kotizatu zuten ekainean Gizarte Segurantzan, maiatzean baino 4.213 gehiagok eta duela urtebete baino 26.779 gehiagok. Bestalde, lana lortu dutenen gehiengoa behin-behineko kontratuekin ari da lanean. Ekainean sinatutako kontratuen %7,6 soilik izan dira mugagabeak.
bideoa prestatzen
Langabeziak behera egin du apirilean Hego Euskal Herrian

2019-05-07
150.000 langabe baino gutxiago zeuden apirilean Hego Euskal Herrian. 2009ko urtarrilaz geroztik lehen aldia da langabe erregistratuen kopurua 150.000tik jaisten dela. Aste santuaren ondorioz ia 5.600 langile gehiago izan ziren joan den hilabetean Araba, Bizkaia, Gipuzkoa eta Nafarroan. Aldi berean, baina, behera egin du kontratu mugagabeen kopuruak.
bideoa prestatzen
Langabeziak behera egin du, batez beste, Hego Euskal Herrian

2019-04-02
Orotara datu erabat positiboak enpleguaren ingurukoak Hego Euskal Herrian. Pasa den urtearekin alderatuta, langabezia tasa %0,3a egin du behera, eta otsailarekin alderatuta, martxoan 2.057 langabetu gutxiago daude. Lurraldeka begiratuz, urteotako tendentzia errepikatzen da, non %11,26-ko langabezi tasaren azpitik Gipuzkoa eta Nafarroa dauden, %9,4 eta %10,6rekin, eta, batez bestearen gainetik Araba eta Bizkaia dauden %12,3 eta %12,4rekin, hurrenez hurren. Aipagarria da, hiriburuen arteko aldea, non Donostin, adibidez, langabezi tasa %8,5ekoa den eta, Bilbo baten, ia %14koa.