Skip to main content

Azken bideoak: Gazteria

bideoa prestatzen
EHZ jaialdia Irisarrin ospatuko dute asteburuan, "auzolanaz berpiztu" lelopean

2019-06-27
“Auzolanaz Berpiztu” leloa ipar, musika festibala baino gehiago den elkartruke kulturalerako topaguneak, ostiralean irekiko ditu ateak, aurten Nafarroa Beherako Irisarriko herrian. Asteburu osoan zehar, kontzertuak ez ezik, tailerrak, antzerkiak, zirkoa eta gai desberdinen inguruko kontzientziazio solasaldiak izango dira, beste batzuen artean. EHZ 1992an sortu zen, trukerako eta laguntza plataforma gisa, Ipar Euskal Herriko gazteen PIZTU elkartearen jarraipena izanik. 1996an lehen jaialdia antolatu zuten, eta, Idauze-Mendi, Heleta eta Lekornetik pasa eta gero, aurten Irisarriko herrian plazaratuko ditu, bi urtez landutako aire berriak. Liher, Anarai, Koban, Niña Coyote eta Chico Tornado, Willis Drummond, Izaki Gardenak, Nizuri ta Zuneri edo Madeleine, izango dira, beste askoren artean.
bideoa prestatzen
Gaur hasi da Ernaik antolatutako " Bizitzak biziarazi" ekimena

2019-06-13
Gaur hasi da Ernaik antolatutako “Bizitzak biziarazi” ekimena. Euskal Herri osoko hainbat txoko eta bazterretan antolatu ditu ekimenak gazte antolakundeak. Horietako bat da Aiaraldea. Saratxoko industriagunean hasi dute eguna bertako gazteek. Bertatik hasi eta Laudiorainoko martxa bat egin dute, gazteek pairatzen duten prekarietatea salatzeko. Ostegunean hasi eta larunbatera arte luzatuko da “Bizitzak biziarazi” ekimena. Ostegun eta ostiralean herri eta eskualdeen txanda izango da. Larunbatean berriz Gasteizen bilduko dira denak. Egunotan antolatutako martxa, hitzaldi eta tailerren bitartez, gazteek pairatzen duten prekarietate egoera salatu eta bestelako bizi eredu eta proiektuen aldeko aldarria zabaltzea dute helburu Ernaiko gazteek.
bideoa prestatzen
Iruñeko Alde Zaharreko herritarrek Oscus eraikina eskatu dute gaztetxearen proiektuarentzat

2019-05-24
AZ Ekimena elkarteak deituta ehunka herritarrek Alde Zaharreko gaztetxe proiektu baten aldeko kalejiran parte hartu zuten Iruñean.
bideoa prestatzen
"Bizi jaiak berdintasunean" kanpaina aurkeztu du Nafarroako Gobernuak

2019-05-16
Nafarroako Gobernuak, Nafarroako Berdintasunerako Institutuaren bidez herriko festei begira urtero prestatzen den sexu erasoen aurkako sentsibilizazio kanpaina berria aurkeztu du. “Bizi jaiak berdintasunean” da aurtengo leloa, eta jai eremuan emakumeenganako eraso zein jazarpenaren aurka herritarrak sentsibilizatzea du helburu. Aurtengoan mezua gazteenei helarazteko ahalegin bereziak egingo dira.
bideoa prestatzen
Epaileak astebete atzeratu du Bizitza Da Handiena ekimenean identifikatutako kidearen aurkako epaiketa

2019-05-14
Astebete atzeratu dute 2018an Bizitza Da Handiena ekimenaren barruan eraikin publikoa okupatzeagatik identifikatutako kidearen epaiketa. 2002tik itxita zegoen Gizarte Segurantzako Diru Zaintzaren eraikina okupatu zuten astebetez Bizitza Da Handiena ekimeneko kideek, 63 herri mugimendu eta sindikaturen arteko elkarlanean egindako ekintzan. Okupazio horretan kide bat identifikatu zuen Ertzaintzak eta gaur epaiketa egitekoak ziren Donostiako Egia auzoan dagoen epaitegian. Pertsona hau identifikatu eta atestatua egin zuten Ertzainak, ordea, ez dira epaiketara deklaratzera agertu, epaitegiak ez dielako dei egin. Hau horrela, astebete atzeratu du epaileak epaiketa. Bestalde, epaiketa euskaraz egiteko eskatu dute, eta itzultzailearekin aritu dira. Hainbat herritarrek elkarretaratzea egin dute epaitegiaren aurrean gaztearen absoluzioa eskatzeko.
bideoa prestatzen
Epaileak atzeratu egin du Maravillas Gaztetxeko kideen aurkako epaiketa

2019-05-09
Udazkenera atzeratu dute Maravillas gaztetxearen kontrako epaiketa. Nafarroako Gobernuak akusazio gisa txosten berri bat aurkeztu du eta 22 gazteen defentsak hura aztertzeko denbora eskatuta, epaileak erabaki du bista atzeratzea. Atzerapena ezagutu aurretik hamarnaka lagun elkartu dira epaitegiaren kanpoaldean.