Skip to main content

Azken bideoak: Etorkinak

bideoa prestatzen
Mediterraneora itzuliko da Aita Mari ontzia, erreskaterako baimenik gabe ere

2019-07-01
Itsasoan erreskate lanak egiteko baimenak lortu gabe ere Greziara Itzuliko da Aita Mari ontzia. Hala iragarri dute gaur Pasaiako badian, ontziaren ondoan, egindako elkarretaratzean. Atzo iritsi zen ontzia Euskal Herrira, dituen matxura batzuk konpontzera. Hilabete eman dute Grezian, Egeo itxasoko irletako kanpamentuetan dauden migratzaileei mediku laguntza eskeintzen. Denbora honetan ezin izan dute itsasoan erreskate lanik egin, hasiera batean euren asmoa hori zen arren. Gobernu espainiarrak ez die oraindik horretarako baimenik eman. Estatu espainarraren itsas eremuan 240 lagun hil dira aste honetan bertan, Kanariar irletara iritsi nahian hildakoak ere aintzat hartuta. Gaineratu dute Aita Mari ezarritako lege mugak legez kanpokoak direla, eta salaketa formal bat egiteko asmoa dutela adierazi dute.
bideoa prestatzen
2019 urteko aurreneko bost hilabeteetan 2075 asilo eskaera egon dira EAEn, iaz baino 500 gehiago

2019-06-18
2019 urteko aurreneko bost hilabeteetan iazkoak baino 500 asilo eskaera gehiago egin dituzte Araban, Bizkaian eta Gipuzkoan. Hala azaldu du CEAR Euskadik Bilbon egindako agerraldian. Elkartetik aditzera eman dutenez, guztira, 2.075 eskaera egin dira Araban Euskal Autonomi Erkidegoan. 2018an, aldiz, 1.595 egin zituzten urte osoan zehar. Nafarroan, bestalde, kopurua 325 eskaeretakoa izan zen. Zifra hauei erreparatuz, urte amaieran, iaz izandakoen eskaera bikoitza gauzatu daiteke.
bideoa prestatzen
Mugak Zabalduz karabanak Europako hegoaldeko mugako errealitatea salatuko du aurten

2019-06-13
Euskal Herritik eta espainiar Estatuko beste leku batzuetatik abiatuko da bederatzi egunean Andaluzia eta Ceutara helduz. Uztailak 12tik 21era burutuko da estatuko laugarren Mugak Zabalduz karabana. Nazioarteko ekimena da. Antolatzaileek adierazi dute beste erakunde batzuekin aliantzak eratzeko helburua daukatela. Italiako Carovane Migrantiko kideek ere parte hartuko dute, adibidez. Andaluziarako bidea hartzearen arrazoia da hara iritsi direla Europako eskualdeetatik datozen migratzaile gehien. Adierazi dute, honen ondorioz, harrera-sistema instituzionalaren gabezia larriak azaleratu direla. Martxaren bidez errealitate desberdinak erakutsi nahi dituzte. Granadatik Motrilera doaz kulturartekotasuna ikusteko, Agecirasen dagoen Espainiako Barneratze Zentro handienetik pasatuko dira eta Huelvako probintzian amaituko dute. Karabana erabiliko dute salaketarako ekintzen eragina areagotzeko eta bertan boluntario izateko ekainaren 23an itxiko da inskripzio-epea.
bideoa prestatzen
Elena Benzanilla: "Etorkinak bigarren mailako herritarrak dira, legez"

2019-05-30
2019ko hauteskundeetan Euskal Autonomia Erkidegoan ezin izan du bozkatu biztanleriaren %10ak. Milaka etorkin geratu dira bozetan parte hartu ezinik, boto eskubidea ukatuta. Espainiako nazionalitatearekin soilik lortuko du sufragioa. Traba burokratiko asko izaten dira prozesuan. Honen inguruan hitz egin digu SOS Arrazakeria elkartekoekin.
bideoa prestatzen
Zaporeak, Bakartxo Ruiz, Adolfo Araiz eta IruñaRock

2019-05-07
Nafarroa Gaur saioan errefuxiatuei jana kanpalekuetan banatzen dien Zaporeak elkarteko Mariano Galarzarekin egon gara. Bakartxo Ruiz eta Adolfo Araizekin legealdia errepasatu dugu eta IruñaRock festibalaren kartela aurkezten dizuegu.
bideoa prestatzen
Mariano Galarza (Zaporeak): "Errefuxiatuen kanpalekuko funtsezko lan asko daude, haien artean elikadura"

2019-05-07
Zaporeak elkarteak igandean ospatuko du Koxk! Pintxo pote jaialdia errefuxiatuentzako jana lortzeko. Aurreko urteko arrakasta eta gero errefuxiatuak elikatzen dituen elkartearen lana geroz eta handiagoa da.