Skip to main content
bannerra

Azken bideoak: Osasuna

bideoa prestatzen
GuraSOS taldeko Jose Mari Izetarekin plan berriari buruz hizketan

2019-01-10
GuraSOS elkarteak diru bilketa bat jarri zuen martxan Hitzartu izena zuena. Dirua ingeniaritzan aditua den batek Hiri Hondakinen Kudeaketarako Plan Alternatiboa idazteko izango da. Guztira 80.000 euro lortu behar dituzte, oraingoz 50.903,55 euro inguru doaz. Horrez gain babes kutxak daude saltzen. Bestalde beraien plana Foru Aldundiaren eskuetan dago, bitartean aldundiaren planaren zain daude biak mahai gainean jartzeko eta bien artean osasunarentzako egokiena izango den adostasun batera iristeko asmoz. Hemendik gutxira deituko diote gizarteari ekintza berri bat egiteko.
bideoa prestatzen
Lehen Arreta Arnasberritze plataformak deituta elkarretaratzeak egin dira EAEko osasun zentroetan

2018-12-19
Lehen Arreta Arnasberritzen plataformak deituta protestak egin dira osasun zentroetan. “Lehen arreta itolarrian, zure osasuna ere” lelopean elkarretaratzeak egin dituzte Osakidetzako Lehen Arretako langileek. Plataformak komunikatuaren bidez azaldu du gero eta gehiago erabiltzen den zerbitzua dela eta neurriak hartzeko unea iritsi dela.
bideoa prestatzen
Osakidetzako lan eskaintzaz ikerketa abiatu aurretik, "azken aukera" eskaini dio EH Bilduk Darponi

2018-11-13
Osakidetzako azken lan eskaintza publikoan salatutako irregulartasunen aurrean, eta Eusko Jaurlaritzako profesionalak hautatzeko sistema berrikusteko konpromisoa hartu duenean, Osakidetzako zuzendaritza berritzeko eskatu du EH Bilduk. Rebeka Ubera legebiltzarkideak ikerketa batzorde baten sorrera proposatzeko asmoa agertu du, Jon Darpon Eusko Jaurlaritzako Osasun sailburuak erantzukizunak onartzen ez baditu. Uberaren hitzetan, auzitan dagoen bakarra ez delako lan eskaintza publikoaren funtzionamendua.

Darponek berak astelehenean iragarri zuenez, Osakidetzako profesionalak aukeratzeko sistema berrikusi egingo du Eusko Jaurlaritzako Osasun Sailak. Prozesu horretarako oinarri gisa, Rafael Jimenez Asensio EHUko Zuzenbide doktoreari eskatutako txosten bat baliatuko dute. Bertan jasotzen diren aholkuen artean daude lan eskaintza publikoetarako epaimahaikideak gehienez hiru edo bost izatea, eta zozketa bidez aukeratzea. Baita hautaketak sarriago eta epe motzagoetarako egitea ere.

Jimenez Asensioren proposamenarekin gonbita egin die Darponek alderdi politikoei Osakidetzako lan eskaintza publikoa hobetzeko. Uberak, ordea, harago jo behar dela uste du: Osakidetzako zuzendaritza aldatzeko eskatu dio Darpon sailburuari, ohartarazi du ez dela nahikoa etorkizunerako neurriak iragartzea, eta ikerketa bat behar dela erantzukizunak argitze aldera.

Koalizioak joan den uztaileak erregistratu zuen Legebiltzarrean ikerketa batzorde bat osatzeko eskaera. Eta erantzukizun politikoak orain onartu behar direla nabarmendu du Uberak.

Gobernu kontseiluaren ondorengo agerraldian, kazetarien galderei erantzunez, Josu Erkoreka Eusko Jaurlaritzako bozeramaileak ere hartu du hizpide Osakidetzako auzia. Haren hitzetan, lan eskaintza publikoko gora-beherak hasi zirenetik, behar adina urrats eta behar den moduan egin dira egoera bideratzeko.

bideoa prestatzen
Dagoeneko, zazpi langile hil dira AHTren obretan, LAB sindikatuaren arabera

2018-09-25

2018. urtea hasi zenetik, gutxienez, 50 langile hil dira Euskal Herrian. Hori da LAB sindikatuak publiko egindako datua. Azkena, Zornotzan, joan den larunbatean, AHTren eraikuntza lanetan. 50 horietako lau, berriz, Araban hil dira, 24 Bizkaian, bost Gipuzkoan, bat Ipar Euskal Herrian eta 16 Nafarroan. Edonola ere, LABek salatu du AHT eraikitzeko lanetan hildakoak, gutxienez, zazpi langile izan direla.

Lan heriotzez gain, lanean gertatutako istripu arin eta larriak ere salatu beharrekoak dira, sindikatuaren arabera. Eta horien jatorrian, lan baldintza kaskarrak daude: prekarietatea, azpikontratazioa edota behin-behinekotasuna, besteak beste. AHTren obretan, gainera, salatu dute eraikuntzako herrialdeko hitzarmena sistematikoki ez dela betetzen.

Bien bitartean, Arantxa Tapia Ekonomiaren Garapena eta Azpiegituretako sailburuak astelehenez hartu du hitza Eusko Legebiltzarrean, AHTren lanetako atzerapenez eta kosteez argibideak emateko. Zehazki, Tapiak eraikuntzaren atzerapena onartu du, baina 2023rako abian egongo dela ziurtatuta.

Baina LABek salatu du Tapiak ez diela aipamenik ere egin AHTren obretan izandako istripuei. Are gehiago, sailburuari egotzi dio langileenganako presioa egiten aritzea: presa sartzen dielako eta haien eskubideak eta osasuna kontuan hartu gabe lana prekarizatzen duelako, beti ere, sindikatuaren arabera.

Gainera, AHTk eta antzeko azpiegiturek ingurumena suntsitzen dutela ere salatu du LABek. Hargatik, sindikatuko gizarte ekintza arloak mobilizatzeko deia egin du, hain justu, larunbaterako martxa antolatu dute AHTren eraikuntzako Martzillako eremura.

bideoa prestatzen
Bost azterketa soilik errepikatzea eta epaimahairik ez aldatzea erabaki du Osakidetzak

2018-09-17

Lan Eskaintza Publikoko oposaketetan izandako irregulartasunez egindako ikerketaren emaitzak aztertuta, hartutako erabakien berri eman du Osakidetzako zuzendaritzak. Besteak beste, Traumatologiako epaimahaiko zortzi kidetatik seiri espedientea irekitzea ere erabaki dute

bideoa prestatzen
Nafarroan abortuak egin zituzten lehenengo medikuen lana aitortu du Iruñeko Udalak

2018-09-07
Nafarroan abortuak egin zituzten lehenengo medikuei eman die Iruñeko Zapia Udalak, Andraize zentroko hiru ginekologori. Haien aktibismoa, gidaritza eta jarduna bai eta beren konpromisoa osasun sexuala eta emakumeen osasunaren esparruko eskubideen defentsan eskertu nahi izan du Iruñeko Udalak omenaldiaren bidez.