Skip to main content

Azken bideoak: Atxilotuak / presoak

bideoa prestatzen
500 euskal herritarren zerrenda beltzaren inguruan galdetu du EH Bilduk Europako Parlamentuan

2019-09-06
G7an iraun bitartean 500 euskal herritar inguruko zerrenda beltza eduki du polizia frantziarrak. Herritar horiek ez dute sekula ez zerrendaren ezta debekuaren berririk izan. Egoera onartezina dela kontatu digu Pernando Barrenak.
bideoa prestatzen
Marixol Iparragirre etxeratzeko "ordua" dela aldarrikatu dute estradizioaren atarian

2019-09-03
Marixol Iparragirrek abuztuaren 27an bete zuen frantziar auzitegiek jarritako 20 urteko espetxe zigorra. Reuko espertxean jarraitzen du oraindik; hori dela eta, Eskoriatzako Presoen Aldeko Plataformak eta Donostiako Antiguako Kalera Kalera dinamikak azpimarratu dute Iparragirrek kalean beharko lukeela. Espainiar agentzien filtrazioen arabera, asteazkenean espainiaratzeko asmoa dute Marixol, Auzitegi Nazionalean epaitu dezaten. 1995.urtean Luciano Cortizo Espainiako armadako komandantearen hilketarengatik epaitzeaz gain, Efe berri agentziak ziurtatu du Auzitegi Nazionalean hamabi auzi dituela irekita. Eskoriatzako eta Antiguako taldeek, ordea, salatu dute auzibide horiek torturapean sinatutako dosierrak dituztela oinarri.
bideoa prestatzen
Emakume feminista, ezkertiar eta independentistek atxikimendua eman diote Sara eta Izarren aldeko manifestazioari

2019-09-02
Sara Majarenas eta bere alaba Izarri babesa adierazi diote 30 emakume feminista, ezkertiar eta independentista inguruk gaur Gladys enean egindako prentsaurrekoan. Hilaren 10etik aurrera epaituko dute euskal preso ohiaren eta haren alabaren erasotzailea Valentziako Lurralde Auzitegian. Emakumeen aurkako “diskriminazio egoera eta eguneroko zapalkuntza” salatu dute prentsaurrekoan. Prentsaurrekoan atxikimendua adierazi diote datorren igandean Donostian egingo den manifestazioari. Eguerdiko 13:30ean hasiko da Bulebarrean, ‘Sara eta Izarrekin elkartasuna’ lelopean.
bideoa prestatzen
Atxilotuak askatzeko eskatu du G7 Ez plataformak

2019-08-29
G7an espetxeratu, atxilotu zein jazartuak izan direnen askatasuna aldarrikatzeko elkarretaratzeak egin ziren atzo, abuztuaren 28an, Bilbon, Donostian eta Iruñean.
bideoa prestatzen
Iruñeko udaltzaingoen jarrera salatu dute entzierroetako korrikalariek

2019-07-10
Irakurritako komunikatuan adierazi dutenez, atzo, goizeko 7:30etatik kalez jantzitako zenbait agente ikusi zituzten Santo Domingo aldapan, entzierroa hasteko minutu gutxiren faltan. Zezenak pasa eta berehala, ibilbidea bukatu aurretik ere, gazte bat identifikatu zuten txupinazoan ikurriña erraldoia ateratzearekin zerikusia duelakoan. Gainera, egoeragatik protestaka ari ziren beste bi lagun komisaldegira eraman zituzten poliziek.
bideoa prestatzen
Urriaren 1arekin lotutako dokumentazio eta kontratazioen bila sartu da Guardia Zibila Kataluniako Gobernuaren eraikinetan

2019-07-09
Bartzelonako 13. Instrukzio Epaitegiko Alejandra Gil Lima epaileak agindua emanda egin dituzte miaketak. Generalitateaz gain, Lan Kontseilaritzara, atzer Gaietarako Kontseilaritzara, Presidentziara eta kabinete juridikora sartu dira. Epaitegiak auzibidea hasi zuen martxoan 30 pertsonaren aurka, 2017ko erreferenduma antolatzen parte hartu zutela eta hori delitua dela iritzita. Bestalde, fiskaltzak Quim Torra presidentearen inabilitazioa eskatu du urte bat eta zortzi hilabetez. Torrak ez zituen eraikin publikoetatik xingola horiak eta esteladak garaiz kendu.