Skip to main content

Azken bideoak: Atxilotuak / presoak

bideoa prestatzen
Espetxe politika: Giza eskubideen urraketarekin amaitu eta bideorri partekatua eraiki

2018-11-05
Hiriburuan saioan, Espetxe politika ardatz: Erradiografia, giza eskubideen urraketa, bideorri konpartitu baten beharra eta herritarren mobilizazioa. Horrekin batera, senide eta lagunek lehen pertsonan pairatzen dituzten urraketa kontatuko dizkigute. Beñat Zarrabeitia lankideak aurkeztuta, Inaxio Oiartzabal, Itziar Sinde eta Joxe Anjel Aramendiren parte hartzearekin
bideoa prestatzen
Alfredo Remirez Amurrion da berriro urte bateko espetxealdiaren ostean

2018-11-03
Urte bateko espetxealdiaren ostean, Alfredo Remirez amurrioarra aske geratu da. Larunbatean atera zen Zaballako espetxetik, eta egunean bertan ongi etorri beroa egin zioten Amurrion. Espainiako poliziak 2009an urte bateko zigorra eta sei hilabetetako inabilitazioa ezarri zion Remirezi, Amurrioko jaietan dispertsioaren kontrako errebindikazio gisa bi presoen panpinak egiteagatik. 2015ean Armiarma operazioagatik atxilotua izan zen eta 2017an epaitua, sare sozialetan presoen eta adierazpen askatasunaren aldekoak idazteagatik. Egotzitako delituak banaka espetxe zigorra ekartzen ez bazuten ere, bost urteko epean berriro kondenatua izan zenez, urte batez espetxean egon da, Basauri, Daroca eta Zaballan.
bideoa prestatzen
Sarek euskal presoen berri eman dio Quim Torrari

2018-10-30
Sare Herritarraren izenean, Joseba Azkarraga bozeramaileak gonbita egin dio Quim Torra Kataluniako Generalitateko presidenteari: urtarrilaren 12an Bilbon deitutako mobilizaziora gonbidatu du. Preso katalanen inguruan ere hitz egin dute astelehen honetako bilkuran. Horren berri ekartzeaz gain, Carles Puigdemont Generalitateko presidente kargugabetuak sustatutako errepublikaren aldeko Crida Nacional dinamikaren berri ere jaso du Saioa Baleztenak.
bideoa prestatzen
Amaia Izko, euskal presoen asistentzian eta defentsan lanean

2018-10-28
Ajoarrieroa saioko atal honetan Amaia Izko abokatuarekin izan da Anabel Arraiza lankidea. Espainiako auzitegi nazionalean dagoen egoeraz, euskal preso politikoen egoeraz, orain arteko ibilbideaz eta baita AEKko eta dantzari izandako garaiaz aritu da.
bideoa prestatzen
Independentistek Madrilen esku hartzea dute jomugan, Gorenak buruzagi auzipetuei egindako deiagatik

2018-10-26
Kataluniako Parlamentuak independentzia aldarrikatu zuenetik urtebetera, Espainiako Auzitegi Gorenak bere egin du Pablo Llarenaren tesia eta ahozko epaiketara deitu ditu auzipetutako hemezortzi buruzagi independentistak. Horren aurrean, alderdi eta eragile independentistek Espainiako Gobernuaren esku hartzea jarri dute jomugan. Saioa Baleztenak egin du hango berrien kronika.
bideoa prestatzen
Euskal presoek Frantzian betetako zigor urteak Espainiak aintzat ez hartzea ontzat jo du Estrasburgok

2018-10-23

Estrasburgoko Auzitegiak ezustekoa eman du: Giza Eskubideen Europako Auzitegiak ontzat jo baitu euskal presoek Frantzian betetako zigor urteak Espainiak aintzat hartu ez izana.

Hala, epaileek erabaki dute Espainiak ez duela urratu askatasunerako eskubidea, ezta indarrean dagoen araudirik gabe zigortua ez izateko eskubidea ere; bai, ordea, bidezko prozesu judizial bat izatekoa. Iker Urbinaren hitzetan, ez da, inondik inora, presoen abokatuek espero zutena.

Estrasburgoko Auzitegiko areto nagusian helegitea jar dezakete, eta era berean, Europako Batasuneko Justizia Auzitegira jo. Aukera hori, ez legoke zuzenki abokatuen esku: epaile batek ala Europako Batasuneko batzorde batek egin beharko luke. Hirugarren aukera bat ere bada, Espainiak legea erreformatzea.

Ebazpenak erreakzio soka eragin du, besteak beste, Sare Herritarraren izenean, Inaxio Oiartzabalek arduratuta hitz egin du. Presoek jasaten duten egoera konpondu ordez, areagotu egiten duelako ebazpenak.