Skip to main content
bannerra

Azken bideoak: Alderdiak

bideoa prestatzen
Bilboko EH Bilduk herritarrekin lan egingo duen udaltzain eredua aldarrikatu du

2019-10-11
Polizia ereduen inguruko jardunaldietan parte hartu dute EH Bildu Bilboko kideek. 175 urte bete ditu Bilboko udaltzaingoak eta polizia komunitarioarekin lotutako gaiak jorratu dituzte beste hiri batzuetako esperientziak ezagutuz. Pertsona guztien askatasun eta eskubide guztiak defendatuko dituen segurtasun eredua eraiki behar dela nabarmendu du EH Bildu Bilbok. Paradigma aldaketaz ohartarazi nahi izan dute ere: herriarentzat lan egin baino, herritarrekin batera lan egin behar duen polizia aldarrikatuz.
bideoa prestatzen
Azaroko bozei begira elkarlan akordioa berretsi dute EH Bilduk eta ERCk

2019-10-08
EH Bildu eta ERC bilera egin dute Bilbon bi alderdien arteko elkarlan akordioa berresteko. Joan den apirileko Espainiar estatuko hauteskundeetan indarrak batuko zituztela iragarri zuten eta nahiz eta legealdiaren iraupen eskasak akordioa osotasunean garatzeko aukera zapuztu duen, frogatutzat eman dute bi alderdiek ezkerreko indar subiranisten elkarlanak fruituak eman dituela.
bideoa prestatzen
Lehenbiziko Eusko Jaurlaritza 1936ko urriaren 7an eratu zen

2019-10-07
Lehenengo Eusko Jaurlaritza eratu zeneko 83. urteurrena da gaur. Geroztik, 21 legealdi eta 8 lehendakari izan dira, Gerra Zibila, erbestealdia eta frankismoa tarteko.
bideoa prestatzen
Mas Paísek Solidariaren egitura erabiliko du Bizkaian, behar beste sinadura lortuz gero

2019-10-04
Solidaria alderdi politikoak ziurtatu du Más País alderdiarentzat egingo duela lan estatu mailako hauteskundeetan. Unai Ortuzar PSEko militantea izandakoak eta gaur egun Solidariako lehendakaria denak negoziaketaren eta akordioaren xehetasunak azaldu ditu. Aipatu du Más Páis alderdiaren ideologiatik "hurbil" daudela, eta alderdiko egitura lagatuko dietela. Adierazi dute 1.000 sinadura inguru behar dituztela Mas Paisen marka Bizkaian aurkeztu dadin; dagoeneko 500 bat dituztela adierazi dute.
bideoa prestatzen
Kataluniako autodeterminazio ariketak bi urte bete dituenean, alderdi independentistek aldarriari eutsi diote

2019-10-01
Kataluniako erreferendumaren bigarren urteurrena gogora ekarri nahi izan dute hainbat ordezkari politikok. Esaterako, Generalitateko presidenteak eta orain dela bi urte hasitako bideari eutsiko diotela adierazi du.
bideoa prestatzen
Elkarrekin Podemos: "Euskal gizarteak Kongresura bidal dezakeen aukera eraldatzaile bakarra gara"

2019-10-01
Podemos - Ahal Dugu euskadiko ordezkariek agerraldia egin dute gaur Bilboko egoitzan, egungo egoera politikoaren balorazioa egiteko, eta datozen hauteskundeetarako helburuak azaltzeko. Gobernua osatzeko txantaiaren kontra agertu dira, eta, Roberto Uriarte Kongresurako bizkaiko diputatuak gehitu du hauteskundeen errepikapena bipartidismoaren amaieraren azken hautsak direla eta, oro har, gobernua anitza izango dela, herritarrek hala eskatzen dutelako. Herritarren eskakizun kolektiboei benetako erantzuna emateko lan egiten dutela ziurtatu dute.