Skip to main content

Azken bideoak: Gaikakoa

bideoa prestatzen
EGUNEKOA: gizarte, politika eta kultura albisteen bilduma

2018-11-22
Emakume pentsiodunen Oneka plataformak azaroaren 25era begira plazaratutako irakurketari, Iruñeko Udalak Euskaraldiarekin bat egin izanari eta merkatal guneek igande eta jai egunetan irekitzearen aurkako Bilboko protesta bati erreparatu diegu gizarte gaietan. Arlo politikoan, Aitzina eta Ernai gazte erakundeen apirilaren 19tik 22ra Lemoan egingo duten Gazte Topagunea hartu dugu hizpide. Azkenik, kultura eremuan, 'Gorputz grafiak: memoria feministaren marruak' erakusketari eta Edorta Jimenezen 'Ostadarrak lurra ukitzen duen lekua' eleberriari eskaini diegu arreta.
bideoa prestatzen
EGUNEKOA: gizarte, memoria, komunikazio eta kultura albisteen bilduma

2018-11-21
Mugimendu feministak Emakumeenganako Indarkeriaren Aurkako Nazioarteko Egunerako egin duen deialdiari eta Osakidetzako zuzendari nagusi ohi Maria Jesus Mugica Fiskaltzak deklaratzera deitu izanari erreparatu diegu gizarte gaietan. Memori arloan, Gemma Pierolak idatzitako 'Emakumeak eta ideologia diktadura frankistan' liburuaren berri jaso dugu. Komunikazio gaietan, berriz, Mastodon.eus-en sorrerari eskaini diogu arreta. Azkenik, Donostiako Tabakalerako sortzaileen gunearen ingurukoak bildu ditugu.
bideoa prestatzen
EGUNEKOA: politika, gizarte, memoria eta kultura albisteen bilduma

2018-11-20
EAEko 2019rako aurrekontuen negoziaziorako Eusko Jaurlaritzak eta EH Bilduk hartutako konpromisoari erreparatu diogu arlo politikoan. Gizarte gaietan, azaroaren 25erako Iruñean egindako deialdia eta Gipuzkoako Foru Aldundiak antolatutako Adinberri kongresua hartu ditugu hizpide. Memoriaren eremuan, Santi Brouardi eta Josu Muguruzari Bilbon egindako omenaldiaren berri jaso dugu. Azkenik, kultura arloan, 53. Durangoko Azoka eta Pako Aristiren 'Rosa itzuli da' eleberria nabarmendu ditugu.
bideoa prestatzen
EGUNEKOA: politika, gizarte eta kultura albisteen bilduma

2018-11-19
2019ko Eusko Jaurlaritzako aurrekontuen negoziazioari, urtarrilaren 12rako euskal presoen eskubideen alde Baionan eta Bilbon antolatutako mobilizazioei eta Altsasuko auziko bidegabekeria salatzeko Iruñean egindako jardunaldiei erreparatu diegu arlo politikoan. Gizarte gaietan, pentsiodunen aldarrikapenak eta Berdintasunerako Nafarroako Ezintasunen Sarearen kanpaina izan ditugu hizpide. Azkenik, kultura eremuan, Arriaga antzokiaren 'Garai zekenak' obraren berri jaso dugu.
bideoa prestatzen
EGUNEKOA: politika, gizarte, memoria eta kultura albisteen bilduma

2018-11-16
EAEko 2019rako aurrekontuez Pedro Azpiazu Eusko Jaurlaritzako Ekonomia eta Ogasun sailburuak EH Bildurekin eta Elkarrekin Podemosekin egindako bilkurei eta 'Cabacas auziaz' Iñigo Cabacas zenaren senide eta lagunek egindako balorazioari erreparatu diegu arlo politikoan. Gizarte gaietan, Kontseiluak 2018. urteaz egindako balorazioa eta Irache Nafarroako Kontsumitzaileen Elkarteak zoru kalusulen epaiketak eteteko eskatu izana jaso ditugu. Memoria kontuetan, Guardia Zibilak duela 40 urte Arrasaten hildako Jose Mari Iturrioz 'Zapa'-ri, Roberto Aranbururi eta Emili Larreari egindako omenaldiari erreparatu diogu. Kultura arloan, azkenik, Iruñean abian den Expo Tatoo topaketaren ingurukoak bildu ditugu.
bideoa prestatzen
EGUNEKOA: albiste nagusien bilduma

2018-11-15
Osalanek EAEko lan istripu eta gaixotasunez emandako datuei, Kaleratzeak Stopen salaketari eta Nafarroako tokiko erakundeek indarkeria matxistaren aurka hartutako konpromisoari erreparatu diegu gizarte gaietan. Geure mugetatik at, 'Brexit'-aren akordioak eragindako gora-beherak jaso ditugu. Horrez gain, azaroaren 21era arte Bilbon, Donostian eta Iruñean abian den Zinetika jaialdiari ere erreparatu diogu.