Skip to main content

Azken bideoak: Gaikakoa

bideoa prestatzen
EGUNEKOA: politika, gizarte eta kultura albisteen bilduma

2018-11-06
Europako Giza Eskubideen Auzitegiak 'Bateragune auziaz' ebatzitakoari, ETAren azken 'Zutabe'-ko datuei, EH Bilduk aurkeztutako Nafarroako alkategaiei eta 'De Miguel auziari' erreparatu diegu gai politikoetan. Gizarte arloan, Garbialdi enpresako langileek Bizkaiko Foru Aldundiaren egoitza parean egindako mobilizazioaren berri jaso dugu. Azkenik, kulturara jota, Leihotikan taldearen 'Non zaude?' disko berriaren ingurukoak bildu ditugu.
bideoa prestatzen
EGUNEKOA: gizarte, politika, memoria eta kultura albisteen bilduma

2018-11-05
Hego Euskal Herriko urriko langabezia datuei eta pentsiodunen aldarrikapenei erreparatu diegu gizarte gaietan. Arlo politikoan, berriz, EH Bilduk Espainiako Konstituzioaren 40. urtemugarako Bilbon antolatu duen manifestazioa eta España Ciudadana plataformaren Altsasuko ekitaldiaren ondoren erreakzioak jaso ditugu. Azkenik, Espainiako Gobernuak frankismoan fusilatuez Paco Etxeberria auzi medikuari eskatutako txostena eta Donostiako Literaktum jaialdiaren hemezortzigarren edizioa aipatu ditugu memoria eta kultura gaietan.
bideoa prestatzen
EGUNEKOA: gizarte, politika eta kultura albisteen bilduma

2018-10-31
Naval ontziolako langileen eta Arantxa Tapia sailburuaren arteko bilkurari eta Kaleratzeak Stop plataformak Araba, Bizkai eta Gipuzkoako udaletan aurkeztu asmo dituen mozioei erreparatu diegu gizarte gaietan. Arlo politikoan, Pedro Sanchez Espainiako Gobernuko presidentearen eta Uxue Barkos Foru Gobernukoaren arteko bilkura eta Altsasun iganderako Ciudadanosek deitutako ekitaldiak eragindako erreakzioei begira jarri gara. Horrez gain, Arimen Gauaren harirako 'Itzalitako kalabazen berpiztea' liburuaren bueltakoak bildu ditugu.
bideoa prestatzen
EGUNEKOA: gizarte, politika, kultura eta kirol albisteen bilduma

2018-10-30
Naval ontziolako langileek lan erregulaziorako txostenaren aurka egindako itxialdiari eta Gehituk Espainian LGTBI berdinatsunerako legea onartzeko egindako eskaerari erreparatu diegu gizarte gaietan. Arlo politikoan, Quim Torrak azaroaren 14an Donostiako Kursaalen eskainiko duen hitzaldiari eta 'Cabacas auziko' zortzigarren auzi saioari begira jarri gara. Kulturan, Su Ta Garren 30. urtemugako kontzertu bira aipatu dugu, eta kiroletan, Real Madrilek Julen Lopetegi entrenatzaile kargutik kendu izana.
bideoa prestatzen
EGUNEKOA: politika, gizarte eta kultura albisteen bilduma

2018-10-29
EAEko aurrekontuetarako akordioaren bidean, EAJk eta EH Bilduk egindako bilkurari eta GHK-k Iñaki Errazkin eta Ainhoa Intxaurrandietaren aldeko epaiari sententzia jartzeko duen asmoari erreparatu diegu gai politikoetan. Gizarte arlora jota, Nafarroan aurkeztu duten berdintasunerako indizeaz eta Bizkaiko gazte euskaltzaleek azaroaren 10erako Portugaleten antolatu duten topaketaz aritu gara. Azkenik, urriko azken asteleheneko Gernikako azoka izan dugu hizpide.
bideoa prestatzen
EGUNEKOA: politika, gizarte eta kultura albisteen bilduma

2018-10-26
EAErako estatus berriaren oinarriak Eusko Legebiltzarrak adituen esku utzi izanari eta Eusko Ikaskuntzaren XVIII. kongresuko hirugarren jardunaldiari erreparatu diegu arlo politikoan. Gizarte gaietan, Gipuzkoako zahar egoitzetako langileen grebaz eta Bilboko Udalak Euskaltzaindiari emandako urrezko dominaz aritu gara. Azkenik, kultura eremuan, Katakrakek argitaratutako Rosa Luxemburgen 'Kartzelako gutunak Sophie Liebknechti' liburua eta Seriesland jaialdia izan ditugu hizpide.