Skip to main content

Azken bideoak: Kultura

bideoa prestatzen
Mertxe Mugikak AEK-ren koordinazioa utziko du

2019-07-08
Urriaren batetik aurrera, koordinazio burua Alizia Iribarren nafarrak hartuko du. Mugikak 13 urteko ibilbidea egin du AEK-n. Aurrerapausuak egon badirela aitortu badu ere, gehitu du, nahikoak ez direla izan. Botilaren metafora erabilita, hau betetzen jarraitu behar dela adierazi du, elkarlana ardatz izanda. Arazoen artean helduen euskalduntzea aipatzen du, eta, instituzioetan, euskararen erabilera transbersala faltan somatzen du. Hala ere, Korrika eta Euskaraldia bezalako ekimenen ekarpena balorean jarri du. Oro har, balorazio positiboa egin du Mertxek, eta euskalgintzaren bigarren plano batetik lan egingo du oraindik aurrera.
bideoa prestatzen
Uztailaren 7a, San Fermin eguna, aldarria, ilusioa eta... festa!

2019-07-07
Festen bigarren eguneko kronikarekin batera, bezperako arratsaldean Herri Sanferminak bisitatu genituen. Gaurkoa aldarrirako eguna bihurtu da jada iruindarrentzako eta prozesioan denetik egon da. Jai giroak ez du etenik Iruñean! Ahotsa.info-ko lankideek zezenketen inguruko kale-inkesta egin zuten festak hasi aurretik.
bideoa prestatzen
2019ko Sanferminak hasi dira, ikurriña eta guzti

2019-07-06
2019ko Sanferminetako lehendabiziko programa: txupinazoa, ikurriña, elkartasuna eta festetako musikaren kale inkesta!
bideoa prestatzen
"Ozeana" erakusketa ikusgai dago Donostiako Euskal Itsas museoan

2019-07-04
Donostiako euskal itsas museoan OZEANA izeneko erakusketa inauguratu dute gaur. 6 artisten lanak elkartu eta guztien artean ekosistema anitz eta interesgarri bat sortu dute. Obra batzuk gainera sekula erakutsi gabekoak dira.
bideoa prestatzen
Seaskako ikasleen brebeta azterketak Bordelera eraman dituzte bertan zuzendu ditzaten

2019-07-04
Seaskako ikasleen brebeta azterketak Bordelera eraman dituzte Hezkuntza ministeritzako ordezkariek, bertan zuzendu ditzaten. Donibane Lohitzune, Hazparne eta Mauleko zentroetatk pasa dira Parisko Gobernuaren ordezkariak azterketak eramatera. Ondorioz, ikasle euskaldunen azterketak euskaraz ez dakiten irakasleek zuzenduko dituzte. Ez da hau gertatzen den lehen aldia; iaz ere Euskal Herritik kanpo, Pauen, zuzendu zituzten Ipar Euskal Herriko ikasleek egindako azterketak.
bideoa prestatzen
'Elkano: Lehen mundu bira' animazio filma estreinatuko da uztailaren 5an

2019-07-04
Dibulitoon estudioak ekoitzi du luzemetraia eta euskaraz egongo da ikusgai Hego Euskal Herri osoan. Bestalde, Hertzainak taldeko Josu Zabala eta Gari taldekideek kontzertu bikoitza egingo dute Euskalduna Jauregian, Bilbon. Horiek eta gehiago biltzen ditu aste honetako Artekalek.