Skip to main content

Azken bideoak: Kultura

bideoa prestatzen
#Bazterrekoak Diogenes: Lotura materialik gabeko bizitza zoriontasunaren giltza

2020-06-12
Diogenesen izena aipatzen denean, psikologia modernoak eraikitako gaitza datorkigu burura, etxeko bakardadean zaborra pilatzen duen soziopatak. Izendapenak, Sinopeko Diogenesen du bere jatorria, K.a. 400 urteko Grezian bizi izan zen filosofoan hain zuzen. Lotura materialik gabeko bizitza zoriontasunaren giltza zela pentsatzen zuen. Psikologoek, 70. hamarkadan izena hartu zuten, Diogenesen bizitza muturrera eramanez. Seguruenik, zinismo osoz, ezer ere ez ulertu zutela esango lieke Diogenesek psikologoei, barre serioa ahoan zuen bitartean.
bideoa prestatzen
Donostiako Dantz jaialdiak 'Dantz Terrace' ekimenarekin itzuli da jarduerara

2020-06-12
Gipuzkoako musika elektronikoaren Dantz jaialdiak jarduerari berrekin dio Dantz Terrace ekimenarekin. Aurtengo abuztuan ospatzekoa da jaialdia Donostian, baina udaberrian zehar ere Euskal Herrian musika elektronikoa entzunaraziko dute. Horrekin batera, itxialdian zehar, aurreko urteetako Dantz Point deritzen sesioak internet bidez zabaltzen aritu da jaialdia. Euskal Herriko txoko anitz eta berezietan eskainitako emanaldiak dira Dantz Point-ak eta laster Hamaika Telebistako Etxeko Sessions saioaren baitan ere ikusgai egongo dira.
bideoa prestatzen
“Murrizketak kulturaren heriotza epaia” direla salatu du SOS Kulturak

2020-06-12
SOS Kultura plataformak elkarretaratzeak egin ditu Hego Euskal Herriko lau hiriburuetan. Manifestuan irakurri dute kultura, “eskubidea, ondarea, lana, osasuna, identitatea, irizpidea eta gizartea eraikitzeko oinarria dela”. Mikel Pikaza plataformako kideak adierazi duenez hiru hilabeteren ostean egoera “oso kezkagarrian” dago sektorea, horregatik kultura beharrezko ondasun gisa onartua izan dadin eskatzen diete administrazioei, lehenengo urrats gisa. Gehitu du laguntzak martxan jartzeko, aurrekontuak bermatuak izan behar dituztela instituzioek, eta sektorean eman diren laguntzetan, zozketazko esleipenak esan dute, “deitoragarriak” direla. Horrekin batera, salatu du plataformak, protokolo zehatzak behar direla, eta ezin dituztela izan “jarduera blokeatzen dituen prokolo batzuk, dekretuek lana ahalbidetzen duten bitartean”. Nabarmendu dute, mobilizazioekin jarraituko dutela, “kultura bere lekuan jarri arte”.
bideoa prestatzen
MUSIKAZUZENEAN TB #109: MANAGAITZ + FLY SHIT

2020-06-11
"Gaztaroko erokeria bat baino gehiago!" split diskoa izango da gure gaurko protagonista, eta bide horretan, Managaitz eta Fly Shit taldeak. Hardcorearen errepidean murgilduko gara, irrati libreen uhinetan, gaztetxe zirkuituan... zuk zeuk egin filosofiaren baitan.
bideoa prestatzen
Gaur egun erabiltzen diren bezala agertzen ditu euskarazko zenbait hitz 1610ean Suitzan idatzitako "Mithridates" liburuak

2020-06-11
Kaspar Waser teologo eta hizkuntzalari suitzarrak 6 bat orrialde eskaini zizkion euskarari 1610ean "Mithridates" lanean. Obran zenbait hizkuntzetako hiztegia eta informazioa bildu zituen Waserrek, tartean euskara, eta Aritz Otazuk, Mintzo editorialeko kideak, azaldu duenez, euskarak garaian zuen garrantzia erakusten du lanak. Gainera, "bihotza" edo "gatza" bezalako hitzetan "tz" fonemaren idazketa nabarmendu du Otazuk, duela 100 bat urte asmatu zelaren teoria faltsutzen duelako.
bideoa prestatzen
Teknikariok kolektiboa sortu da, sektorearen erregulazioa "defendatzeko" eta langileak "babesteko"

2020-06-11
Ikuskizun zein ekitaldietako teknikariek sortu dute kolektiboa, gero sindikatu bihurtzeko asmotan. Lan baldintza "prekarioak" eta "erregulazio falta" salatu dituzte, jardun luzeak egiten dituztela lan, langileen estatutua bete gabe. Egoera normaltasunera bueltatu arte eta krisiak eragindako galerak "leuntzeko", kulturara zuzendutako diru-laguntzen ehuneko bat "gutxienez" mantentzea eskatu dute.