Skip to main content

Azken bideoak: Kultura

bideoa prestatzen
Sortzen jaia Takonera parkera itzuliko da aurten

2019-05-15
Sortzen jaia Takonera parkera itzuliko da aurten. Heldu den igandean izango da Nafarroako eskola publikoaren aldeko jaialdia. Aitziber Lizeagak Nafarroako Sortzeneko arduradunak festibalaren nondik norakoak azaldu ditu Hamaika Telebistari eskainitako elkarrizketan.
bideoa prestatzen
'Moio. Gordetzea ezinezkoa zen' liburua kaleratu du Kattalin Minerrek

2019-05-15
Aimar Elosegi Ansa, duela 12 urte bere buruaz beste egin zuen gazte transexualari buruzko memoria ariketa gisa definitu du Minerrek liburua. Hernaniarra zen Elosegi, idazlea bezala. Are gehiago, lagunak ziren biak, liburuaren aurkezpenean Minerrek azaldu duenez.
bideoa prestatzen
Euskararen transmisioa eta normalizazioa helburu

2019-05-14
Euskararen transmisioarako Nafarroako Gobernuak "Musikariak ikastetxeetan" programa sustatu du. Bestalde, Kontseiluak normalizaziorako 15 proposamen politiko egin ditu.
bideoa prestatzen
“Inor kanpoan ez uzteko” kontzertua eskainiko du Berri Txarrak taldeak

2019-05-14
Uztailaren 14an Bilboko Kobetamendin, milaka lagun bilduko dira eta arratsalde osoan zehar ekimenak eta ikuskizunak burutuko dira. Gorka Urbizuk, David Gonzalezek eta Galder Izagirrek kasik hiru ordutako emanaldia egingo dute eta eurekin batera 15 bat musikari gonbidatuko dituzte. Konfirmatutako lehen izenak: Enrique Villarreal “el Drogas”, Aiora Renteria, Leire Iseo, Iñaki Altolagarri “Matxet” eta David Ruiz La M.O.D.A taldekoa.
bideoa prestatzen
“Hezurren erretura” liburua aurkeztu du Miren Agur Meabek

2019-05-14
Duela sei urte kaleratu zuen bere aurreko obra Lekeitiarrak. Oraingoa 21 narraziorekin osatua dago, eta pertsonaia bera dute denek protagonista. Etengabe iraganetik orainerako jauziak eginez, bizitzako pasarteen gainean hausnarketa egingo du pertsonaiak. Bizitako horien guztien sinbolo izango dira hezurrak. Kontakizunen erdietan haurtzarotik unibertsitatera bitartean egongo da protagonista, eta 55 urte inguruko emakumea delarik azalduko zaigu gainerakoetan. Gainera, idazkuntzari buruzko gogoetak ere badakartza liburuak. Miren Agur Meaberen esanetan, idazkuntzaren bidez, bizitzan zehar pilatzen joandako bizipenak erre nahi ditu protagonistak. Idazleak aipatu du bere obretan beti dagoela presente pertsonaia eta bera den idazle horren arteko tentsioa. Horri jarraiki, bada, aurreko liburuen jarraipena da gaur aurkeztutako lanaren izenburua bera ere. Idazleak nabarmendu du beretzat berdina dela izatea eta idaztea eta hala, beti daudela presente bere nortasuna berresteko balio duten baieztapenak, inportanteenetakoa idaztea bera izanik.
bideoa prestatzen
'Haratzago' joan nahi du Azkue Ikastolak Ibilaldian

2019-05-13
Haratzago lelopean ospatuko da igande honetan 2019ko Ibilaldia Lekeition, Azkue Ikastolak antolatua. Aurtengo ibilbidea motza izango dela adierazi dute Ikastolako arduradunek, 2,5 kilometrokoa, eta lau gunetan banatu dute. Goizeko hamarretatik abiatuta, hasiera ekitaldian, egitarau anitza eta partehartzailea garatu nahi izan dute. Musika, jokoak, ikuskizunak, tailerrak eta abar izango dira, ohi bezala, adin guztietakoek goza dezaten Ibilaldiaz.