Skip to main content

Azken bideoak: Kultura

bideoa prestatzen
Luzatu egingo dute gazteentzako Harrapazank programarako izena emateko epea

2019-03-15
Honen bidez, lantegi berriak prestatzeko aukera izango dute antolatzaileek eta bilboko gazte gehiagorengana heltzeko parada. Aurten, Harrapazank programak hainbat lantegi eskaintzen ditu: fantasiazko makillajea, irratia, Hennazko tatuajea edo arropa pertsonalizatzea. Helburua da gazteek aisialdian euskara erabil dezaten sustatu eta motibatzea eta horretarako hiru partetan banatzen da programa: Urban tailerrak, gamer gelak pil-pilean dagoen ekintzari euskara gehitzeko eta azkenik harrapazank eszena talentu lehiaketa. Bilboko gazteek hainbat arlotan beren trebezia erakuts dezakete. Kastingaren aurretik irakasle profesionalekin izango dituzte entseguak eta, aurrera pasatzen direnek baita masterclassak ere. Finala Bilborocken izango da ekainaren 21 eta 22an.
bideoa prestatzen
MusikaZuzenean TB #64: Moxal eta Hibai Deiedra

2019-03-13
Moxal izenaren atzean dagoen Hannot Mindegia musikariak "Zaldikatu" diskoa kaleratu berri du, bere musika bidean bakarkako lehen lana.Bigarren erreportajea osatzeko Portugaletera egin dugu bidai. Itsasoari begira topatu dugu Hibai Aiestaran musikari eta idazlea, gitarra eskuan eta "Porrotaren zaporea" liburua besapean.
bideoa prestatzen
Euskararen eboluzioari buruzko ikerketa bat kaleratu du Juan Miguel Munarrizek

2019-03-14
Euskararen jatorriarena mila ikerketa, teoria eta hipotesi eragin dituen gaia da. Asko izan dira horretarako erabili izan diren teknika edo moduak. Euskarazko esaldiak erabili ditu horretarako Juan Miguel Munarriz elizondotarrak, eta Euskararen Genesia izeneko liburuan bildu du ikerketa horren emaitza. Egun erabiltzen diren esaldiak kontutan hartuta, modernoak eta zaharrak bereizi ditu Munarrizek, hizkuntzaren geruzarik zaharrenera iritsi eta orduko euskara nolakoa zen ikusten saiatzeko.
bideoa prestatzen
Arteari ateak irekitzeko, Arteak Ireki plataforma

2019-03-14
Eusko Jaurlaritzaren dekretu berriak urtean hamabira mugatu nahi ditu formato txikiko areto eta tabernek antolatu dezaketen emanaldi kopurua. Horren aurka, Arteak Ireki plataforma eratu zuten hainbat kulturgile eta programatzailek eta kulturaren munduan sortu dituen erantzunak biltzen ditu aste honetako saioak.
bideoa prestatzen
Mojo workin´jaialdiak rhythm and blues eta soul musikaz beteko du Donostia 10.urtez

2019-03-14
Hamargarren Mojo Workin´jaialdia izango da martxoaren 14tik 17ra. Estatu Batuetako 60.hamarmakadako soul eta blues erritmoak ekarriko dituzte Donostiara. Talde garaikideak eta disko jartzaileek ere egitarauan izango dira. Martxoaren 15ean Akatz, Winfield Parker & The Cookies taldeak zuzenean ariko dira Egiako Gazteszena aretoan. Martxoaren 16an, berriz, Big Bob Railroad, Thelma Jones & The Dixie Cups izango dira Gazteszenako agertokian eta amaiera 17an Tabakaleran izango da.
bideoa prestatzen
Udaberrian ospatuko da Iruñea Loretan - Pamplona es Flor jaialdia

2019-03-14
Iruñeko Udalak Iruñea Loretan – Pamplona es Flor jaialdia antolatu du hastear den udaberrian, hiriko natura-guneak ezagutarazteko. Euskal Herriko hiriburuko bioaniztasun oparoa ikusarazi eta nabarmentzeko asmoa duen jaialdia, bisita gidatuz, kontzertuz, erakusketaz eta hainbat ekimenez osatzen da. Martxoaren 22tik maiatzaren 12ra bitarte burutuko da egitaraua, eta aurretik burutzen ziren ekimenak programa bateratuan integratuko dira, ekintza berriekin, elkarrekiko osagarriak diren jarduerak antolatuz.