Skip to main content

Azken bideoak: Kultura

bideoa prestatzen
Aste Nagusirako 'koktel' bat, Campos Eliseos antzokian

2019-05-22
Umorea, komedia, drama, kritika, thrillerra eta emozioa biziko da artearen bitartez Bilbon. Horiek zaporeetara itzuli eta koktel bat osatu du antzokiak. Sei antzezlan egongo dira irailaren erdialdera arte, ikusleari barre egiteko zein hunkitua sentitzeko aukera emango diotenak. Hori islatzen du koktelak. Adibidez, Goyo Jimenez umorista egongo da 8. urtez jarraian eta hori erakusteko erabili dute izenean “zortzi” duen ron bat. Antzezlanak ikusleen ekarpenen bidez egokitu egin dira. Esaterako Campos Comedy izeneko saioan komiko entzutetsuak izango dira: Luis Piedrahita edo David Guapo besteak beste. Edo ikusgai egongo da baita Estatu Batuetan arrakasta handia duen Por los pelos izeneko antzezlan komiko-poliziala. Nekane Alonso zinegotziak azaldu du antzerkiaren garrantzia eta honek Bilbon izan duen bilakaera.
bideoa prestatzen
Estitxu Eizagirre: "Bizi nahi duen herri bat dagoelako bete ditu ARGIAk 100 urte"

2019-05-21
ARGIAren mendeurrenaren harira, Estitxu Eizagirre ARGIAko kazetariarekin hitz egin dugu 100 urte hauetako garapenaz, mendeurreneko ospakizunez, etab.
bideoa prestatzen
Berri Txarrak taldeak jasoko du aurtengo Adarra Saria

2019-05-20
Aurretik, Mikel Laboak, Ruper Ordorikak, Anarik edo Fermin Muguruzak Donostian jasotako aitortza bera. Hortaz gain, ekainaren 21ean, nafarrek kontzertua eskainiko dute Victoria Eugenia antzokian. Gogoratu, hirukoteak etenaldi mugagabea egingo duela udazkenean. Aurretik, hori bai, bira arrakastatsua burutzen ari dira.
bideoa prestatzen
Sortzen jaialdiko kalte ekonomikoei aurre egiteko laguntza eskatu dute

2019-05-20
Sortzen elkarteak antolatutako eskola publikoaren aldeko jaiak, euritearen talka jaso ostean, bertan behera utzi behar izan zuen egitarauaren gehiengoa. Horrek galerak eragin zituen atzokoan eta diru laguntzak jasotzeko kontu korrontea ahalbidetu du D eredua sustatzeko plataformak. ES98 3035 0058 30 0581172598
bideoa prestatzen
Inoiz baino diru gutxiago bildu du aurten Ibilaldiak

2019-05-20
Minimo historikoa ezarri du eta, are gehiago, zorpetuta utzi du Lekeitioko Azkue ikastola. Ibon Goitia zuzendariak azaldu duenez, oso zaila izango dute egoera ekonomiko zail honi aurre egitea. Arrastaka eramango duten kontu bat izango dela hau aurrerantzean, esan du Ibon Goitiak. Gune bat erori zen eta birkokatzea lortu zen. Eguna, euritsu hasi zen atzo eta atertuko zuela uste izan arren ez zen hala izan. Euritik pasata izan bazen ere, eskertu nahi izan dute hurbildu zen jende guztia eta sortu zen giroa. Biharamunean material asko dago soberan. Hala ere, jendearen eta baita talde batzuen ekarpena eskertu nahi izan dute, askok ez baitute kobratuko. Hori kontutan hartuta elkartasun deia egin du, berriz ere. Kutxabanken eta Euskadiko Kutxan zabaldu dituzte diru kontuak, ekarpenetarako.
bideoa prestatzen
Gernika. Genealogy of a lie: Gernikako borbardaketari buruzko gezurrak argitara

2019-05-20
Xabier Irujo historialariak Gernika. Genealogy of a Lie izenburua duen liburua aurkeztu du Koldo Mitxelena kultur etxean. Azken 50 urtetan Gernikako bonbardaketaren inguruan ingelesez argitaratu den obra bakarra da Irujok idatzi duena. Orain dela bi urte gazteleraz argitaratutako liburua ingelesera itzuli dute eta hainbat datu gehitu dizkio Irujok. Idazleak adierazi du Francok bere garaian hainbat gezur zabaldu zituela Gernikako bonbardaketaren inguruan, eta nabarmendu du 40 urteren ondoren gezur horiek bizirik jarraitzen dutela. Adibide gisa, hildako kopuruari dagokiona nabarmendu du idazleak. 15 urteko ikerketa eta dokumentazio lana dago liburu honen atzean, idazlearen esanetan. Garaiko testigantzen eta dokumentazio lanaren bidez osatu du liburua historialariak, eta azpimarratu du liburuaren xedea Gernikako bonbardaketaren gaia nazioartekotzea dela. Bestalde, azpimarratu du ia ezer ez dela argitaratu orain arte gertakariaren bertsio ofizialaren egiazkotasunari buruz.