Skip to main content

Azken bideoak: Ekonomia

bideoa prestatzen
Zaharren egoitzetako langileek 56 egun daramatzate greban akordiorik gabe

2019-05-06
Gipuzkoako zaharren egoitzetako langileek 56 egun daramatzate greban, eta gaur mobilizazioa egin dute Gipuzkoako Foru Aldundiaren (egoitzaren) atarian. Mitxel Lakuntza ELAko koordinatzaile nagusiak adierazi du aldundia gezurretan ari dela eta jarrera “hipokrita” mantentzen ari dela. ELAko koordinatzaile nagusiak larritzat jo du Gipuzkoako Foru Aldundiaren jarrera. Akordiorik ez dela lortu esanaz, ELA eta patronalaren arteko akordioa faltsutu izana leporatu dio Lakuntzak aldundiari. Horrela, Lakuntzak salatu du aldundiak gatazka luzatzearen ardura sindikatuaren eta patronalaren gain utzi nahi duela, bere erantzukizunari aurre egin beharrean. Bestalde, ELAko ordezkariek egoera bideratzeko bilera egin nahi izan dute Markel Olano Gipuzkoako ahaldun nagusiarekin, baina Lakuntzak salatu du honek uko egin diola biltzeari. Lakuntzak azpimarratu du grebari eustea beste aukerarik ez dutela. Mitxelek gogora ekarri ditu greban dauden komisaldegi eta epaitegietako garbitzaileak eta baita Tabakalerako UBIk liburutegiko langileak ere. Era berean, azpimarratu du zaharren egoitzetako greba greba feminista dela eta aldarrikapen feministak ez direla martxoaren 8ra mugatu behar.
bideoa prestatzen
Zaharren egoitzetako langileek protesta egin dute 50.greba egunean

2019-04-29
50.greba eguna dute gaur zaharren egoitzetako langileek eta elkarretaratzea egin dute Gipuzkoako Foru Aldundiaren aurrean. ELAko ordezkari den Txomin Lasak nabarmendu du Matia fundazioarekin sinatutako akordioari “tinko” eutsiko diotela. Izan ere, adierazi du akordio horrek kalitatezko zerbitzu bat ematea ahalbidetzen duela, langileen baldintzak hobetzeaz gain. LAB sindikatuak grebara deitu du aste honetan eta positibotzat jo du Lasak beste sindikatuek ere grebara deitzea. Txomin Lasa ELAko ordezkariak gehitu du maiatzaren 10era arte beste hamar greba egun dituztela aurretik, eta orain arte bezala jarraituko dutela Gipuzkoako Foru Aldundiak akordioa betetzen ez duen bitartean
bideoa prestatzen
Zaharren egoitzetako langileek protesta egin dute 50.greba egunean

2019-04-29
50.greba eguna dute gaur zaharren egoitzetako langileek eta elkarretaratzea egin dute Gipuzkoako Foru Aldundiaren aurrean. ELAko ordezkari den Txomin Lasak nabarmendu du Matia fundazioarekin sinatutako akordioari “tinko” eutsiko diotela. Izan ere, adierazi du akordio horrek kalitatezko zerbitzu bat ematea ahalbidetzen duela, langileen baldintzak hobetzeaz gain. LAB sindikatuak grebara deitu du aste honetan eta positibotzat jo du Lasak beste sindikatuek ere grebara deitzea. Txomin Lasa ELAko ordezkariak gehitu du maiatzaren 10era arte beste hamar greba egun dituztela aurretik, eta orain arte bezala jarraituko dutela Gipuzkoako Foru Aldundiak akordioa betetzen ez duen bitartean
bideoa prestatzen
Maiatzaren 1ean LAB sindikatuak deitutako mobilizazioetan parte hartzeko deia egin du Sortuk

2019-04-25
Arkaitz Rodriguez Sortu alderdiko idazkari nagusiaren esanetan, egun pairatzen ari garen kapitalismoaren krisi sistemikoari kapitalismo gehiagorekin erantzuten dio sistemak. Inboluzio horren hiru alor azpimarratu ditu Rodriguezek.
bideoa prestatzen
ELAk salatu du lan istripuetan hildako beharginen kopurua %20 igo dela azken urtean

2019-04-23
ELAk esakndaluzkoa dela azpimarratu du eta honen atzean prekarietatea eta lan postuetako prebentzio falta dagoela salatu. Datu ofizialekin alderatuta, errealitatean hildakoak gehiago direla salatu du sindikatuak. Izan ere, azpierregistro desberdinak daude. Osalanek eta Nafarroako Lan Osasunaren Institutuak ez dituzte gaixotasun profesionalen ondorioz zendutakoak aipatzen, ezta transportistak edo autonomoak ere. 47 dira ofizialak, ELAren arabera 67. Adierazi dute lan harremanak prekarioak direla eta eskakizunak gero eta handiagoak. Prekarietatearen ondorioz eta lanpostuak galtzeko beldurraren ondorioz lan iatripu asko deklaratu ere ez direla egiten salatu nahi izan dute. Honi aurre egiteko baliabide ekonomiko eta pertsonalak behar direla aipatu dute, eta Gobernuei babesa eta neurri zehatzak hartzeko eskatu.
bideoa prestatzen
Bizkaiko Bulegoetako langileak kalera atera dira LABek deitutako manifestazioan hitzarmen duin baten alde borrokatzeko

2019-04-04
10etatik 13etara lanuztea egin dute eta mobilizazioa Bilboko kaleetan zehar. CRL enpresaren bulego aurrean hasi da protesta. Azaldu dutenez patronalaren txantaiaren aurrean kalera ateratzera behartuta daudelako. Performance baten bidez irudikatu dute enpresaren trikimailuen ondorioz loturik daudela eta zapalduta daudela. Bi aste dira borrokan hasi zirenetik. Lehengo lan baldintzak berreskuratzea eskatzen dute eta baita eros ahalmena ere.