Skip to main content
bannerra

Azken bideoak: Ekonomia

bideoa prestatzen
Nafarroako Auzitegiak bertan behera utzi du Salinasi ezarritako 21 hilabeteko espetxe zigorra

2019-10-01
Nafarroako Auzitegiak LAB sindikatuaren helegitea neurri batean onartu du eta bertan behera utzi du Imanol Salinas sindikalistaren aurkako 21 hilabeteko espetxe zigorra. Mehatxu arinak egotzita 450 euroko isunarekin zigortu du epaileak Salinas.
bideoa prestatzen
"Neurri errealak" eskatu dizkiote metalgintzako sindikatuek patronalari

2019-10-01
Langileen %85a batu da lanuztera. Aste honetan egiten ari diren grebaren baitan, negoziazio mahaira benetako edukiak eramateko eskatu diote ELA, CCOO, LAB eta UGT sindikatuek patronalari. Goizeko piketeek barrikadak jarri dituzte Berrizen, Zaldibarren, Igorren eta Zamudion. LABen arabera Ertzaintzak 40 lagun identifikatu ditu eta langileek goizeko lehen orduetatik izan duten jazarpen poliziala salatu du.
bideoa prestatzen
Bizkaiko metalgintzako langileen %85a batu da lehen greba egunera, sindikatuen arabera

2019-09-30
Sindikatuek deitu dute lanuztea, patronalak "negoziatzeko inolako borondaterik ez" duela salatzeko. Gaurtik ostiralera bitartean, 50.000 langile daude grebara deituta, lan hitzarmen "duin" bat lortzeko. Joan den astean bi bilera egin zituzten sindikatuek eta patronalak egungo egoera saihesteko. Sindikatuek aitortu zuten Metaleko Lantegien Bizkaiko Federakuntzak proposamena hobetu arren, euren eskaeretatik urrun dagoela. Salatu zuten lan baldintzek baino gehiago, grebak kezkatzen zuela. Grebaren ondorioz, hainbat enpresa itxi egin dituzte Durangaldean, Ezkerraldean eta Meatzaldean. Zenbait errepide itxi dituzte Elorrion, Iurretan eta Durangon.
bideoa prestatzen
Unai Redin: 'Huerta de Peraltako kideek langile borroka berpiztu dute'

2019-09-30
Unai Redinek zuzendu du 'Hokoke' dokumentala, Huerta de Peraltako langileen garaipena azaltzen duen lana.
bideoa prestatzen
Nafarroako Gobernuak eta NUPek iruzur fiskala aztertzen duen ikerketa aurkeztu dute

2019-09-30
Nafarroako Gobernuak eta NUPek iruzur fiskala eta ezkutuko ekonomia aztertzen dituen ikerketa aurkeztu dute gaurkoan. Elma Saiz Ogasun kontseilariak eta Oscar Martinez de Bujanda Ogasun Zuzendariak nabarmendu dutenez, ikerketa honek urteroko zerga kontrola indartzeko ekarpenak egingo ditu, besteak beste, hartu beharreko neurrien inguruan.
bideoa prestatzen
Ehunka pertsona batu ziren larunbatean Imanol Salinas sindikalistari babesa emateko manifestazioan

2019-09-28
LABek deituta, manifestazioa egin zuten larunbatean Iruñean, ‘Borroka sindikala aurrera, Imanol libre eta gurekin’ lelopean. San Giovesa jatetxeko lan gatazkagatik 21 hilabeteko espetxera zigortu zuten Imanol Salinas, eta helegitea epaiaren zain gelditu ostean edozein unetan berretsi dezakete erabakia.