Skip to main content

Azken bideoak: Gizartea

bideoa prestatzen
Ogiaren lege berria abian jarri da gaur

2019-07-01
Ogiaren lege berria ipini da abian gaur Hego Euskal Herrian. Eta beste neurri batzuen artean, okindegietan ogien informazio nutrizionala eskaini beharko digute. Gainera ogi integrala %100 irin integralez egon beharko da osatuam eta hau betetetzen duten produktuek %4ko beza ordainduko dute, orainarteko %10aren ordez.
bideoa prestatzen
Mediterraneora itzuliko da Aita Mari ontzia, erreskaterako baimenik gabe ere

2019-07-01
Itsasoan erreskate lanak egiteko baimenak lortu gabe ere Greziara Itzuliko da Aita Mari ontzia. Hala iragarri dute gaur Pasaiako badian, ontziaren ondoan, egindako elkarretaratzean. Atzo iritsi zen ontzia Euskal Herrira, dituen matxura batzuk konpontzera. Hilabete eman dute Grezian, Egeo itxasoko irletako kanpamentuetan dauden migratzaileei mediku laguntza eskeintzen. Denbora honetan ezin izan dute itsasoan erreskate lanik egin, hasiera batean euren asmoa hori zen arren. Gobernu espainiarrak ez die oraindik horretarako baimenik eman. Estatu espainarraren itsas eremuan 240 lagun hil dira aste honetan bertan, Kanariar irletara iritsi nahian hildakoak ere aintzat hartuta. Gaineratu dute Aita Mari ezarritako lege mugak legez kanpokoak direla, eta salaketa formal bat egiteko asmoa dutela adierazi dute.
bideoa prestatzen
Bizkaiko Pentsiodunen Mugimenduak mobilizazioei eutsiko die udan ere

2019-07-01
Joan den ostegunean Gernikan egin zuten elkarretaratzea, Bizkaiko Batzar Nagusien eraketan. Gaur, beste astelehen batez Bilboko udaletxearen aurrean iragarri dute udan jarraituko dutela elkarretaratzeek. Gainera, Aste Nagusiko lehenengo astelehenean, abuztuaren 19an, manifestazio handia deitu dute, joan den urtean egin zuten bezala.
bideoa prestatzen
Carola Rackete Sea Watch 3 ontziko kapitaina atxilotu dute pertsonen trafikatzaileei laguntzen ari dela egotzita

2019-07-01
Kapitaina ikerketapean jarri du Italiako Fiskaltzak. Izan ere, duela bi aste 42 migratzaile erreskatatu zituen Mediterraneo itsasoan eta hauek lurreratzeko intentzioz Italiako uretan sartu. Matteo Salvini Italiako Barne ministroak duela urtebete ezarri zuenaren arabera, migratzaileak daramatzaten GKEen ontziek debekatuta daukate Italian porturatzea. Lampedusa uharteko portuan lehorreratu zuen ontzia Carola Racketek agindu hauei entzungor eginez. Ondorioz, larunbatean portuan sartu eta batera atxilotu egin zuten. Racketek, itsasotik Skype bidez eman zituen adierazpenetan esan zuen, ontzian zeuden etorkinak geroz eta okerrago zeudela, bai fisikoki, baita mentalki ere. Nabarmendu zuen, Lampedusa zela gertu zegoen porturik seguruena. Gaineratu zuen Maltak lehorreratzeko baimena ukatu ziola eta Frantziak ez zuela erantzun. Bien bitartean, Giussepe Conte Italiako lehen ministroak iragarri zuen Alemania, Portugal, Frantzia eta Luxenburgo daudela Sea Watch 3-ko migratzaileak hartzeko prest.
bideoa prestatzen
Emakumeen kontrako errepresio faxista bereziki latza izan zen.

2019-07-01
Emakumeen kontrako errepresioa faxisten aldetik bereziki latza izan zen. Izan ere, ez zen nahikoa izan etxeko gizonak eramatea eta hiltzearen ondorioz miseria gorrian uztea. Etengabeko irainek eta umiliazioek urte askotako ixiltasuna ekarri zuten.
bideoa prestatzen
Aitzole Araneta: "PPren jarrera ez da onargarria eta salatu egin behar da"

2019-06-28
Donostiako Udaleko alderdi politiko guztiek adierazpen bateratua egin dute gaur ekainaren 28aren harira. Aitzole Aranetak PPren jarrera salatu du: "Atzo Eusko Legebiltzarrean gauza -bat egin, eta gaur beste bat esan du PPk. Hori ez da onargarria eta salatu egin behar da".