Skip to main content
bannerra

Azken bideoak: Gizartea

bideoa prestatzen
Martxoaren 8ko grebara begira instituzio eta kolektiboak batu dira

2019-02-26
Martxoaren 8rako mobilizazioak aurkeztu ditu Euskal Herriko Mugimendu Feministak eta grebaren antolakuntzan sortutako aliantzak azpimarratu ditu. Amantalak eta eskularruak jarrita, trapuak eskegita eta lema desberdinak batzen zituzten zapiak izan dira protagonista prentsaurrekoan. Gizartea eraldatu eta eredu politiko, ekonomiko eta sozial berria eraikitzera dei egin dute. Bizitzak erdialdean egongo diren sistema bat, presio eta esplotaziorik gabekoa.
bideoa prestatzen
Klima aldaketari buruzko konferentzia Donostian, erraustegia eraikitzen den bitartean

2019-02-26
Change the Change, aldaketa aldatu. Lelo horrekin ospatuko da Donostian datorren astean hasita Klima aldaketaren aurkako nazioarteko konferentzia. Konferentzia hori Eusko Jaurlaritzak antolatutako Asteklima, Euskadiko Klimaren Aldaketaren Astea ekimenaren baitan kokatzen da. Ba “Aldaketa Aldatu” konferentzia aintzat hartuta, agintarien jarrera salatu du Zubietako Erraustegiaren Aurkako mugimenduak, hainbat alderdi politiko, sindikatu eta eragileren babesarekin.
bideoa prestatzen
M8an ahalduntzea eta bultzada feminista izango dituzte oinarri Nafarroako Gobernuak eta Iruñeko Udalak

2019-02-26
Nafarroako Gobernuak eta Iruñeko Udalak martxoaren 8an ospatzen den emakumearen nazioarteko egunean burutuko dituzten kanpainen berri eman dute. Ahalduntzea eta bultzada feminista izango dituzte oinarri hurrenez-hurren.
bideoa prestatzen
ELAk bat egiten du M8ko greba feministarekin

2019-02-25
ELAk irudikatu nahi izan du M8ko greba feministarekin bat egiten duela martxan dauden greba eta borrokekin. Alde batetik, komisaldegi eta epaitegietako garbitzaileen soldata arrakalaren aurkako greba dago, beste alde batetik, Gipuzkoako erresidentzietako emakume langileen zaintza lanen duintzearen alde eta soldata arrakalaren aurkako greba dago eta Bizkaian etxez etxeko emakumeen borroka dago. Borroka guzti hauetan emakumea da protagonista, aldarrikapen feministak dituzten gatazkak dira eta gatazka guzti hauen arduraduna Administrazioa dela adierazi dute. Beraz, eskatzen dutena da Gipuzkoako diputazioari eta Eusko Jaurlaritzari konponbidea bilatu diezaieten arazo hauei. Bestela, M8ko atxikimendua hipokresia hutsa dela diote Administrazioaren esku baitago konponbidea.
bideoa prestatzen
Elkarrizketarako deia egin dio GuraSOSek Aldundiari

2019-02-23
4.000 lagun baino gehiago bildu ziren larunbatean Donostiako kaleetan, GuraSOSek deitutako manifestazioarekin bat egiteko. Adostasunari esan baietz lelopean, Zubietako errauste plantari eta hondakinak kudeatzeko politikei buruz hitz egiteko deia luzatu zioten beste behin ere Gipuzkoako Foru Aldundiari.
bideoa prestatzen
Soldata arrakala salatu du LAB sindikatuak

2019-02-22
Bizikletak hartuta, soldata arrakala salatzeko pikete feminista egin dute gaur LAB-eko hainbat emakumek Donostiako kaleetan. Goizeko 10:30etan Artzain Onetik atera, eta eguerdiko 12:00etarako iritsi dira Gipuzkoako Foru Aldundiaren atarira. Bertan salatu dutenez, soldata arrakala ez da diru kontu bat bakarrik.