Skip to main content

Azken bideoak: Gizartea

bideoa prestatzen
Geroa Baik bat egin du Martxoaren 8ko greba feministarekin

2019-03-05
Geroa Baik bat egiten du Martxoak 8ko greba feministarekin eta antolatutako ekimenekin. Alhondiga kaleko bulegoan Itziar Gomez zinegotziak eta Itziar Aleman parlamentariak azkeneko urteetako lorpenak oinarri jarri dituzte berdintasuna lortzeko bidean.
bideoa prestatzen
Herritarrek GARAren harpidetza kanpaina sendotzearen ardura aktiboa izango dute

2019-03-04
GARAren aurkako espolioari aurre egiteko, herritarrak antolatu egingo dira, bai herri batzarren bidez, baita egunkariko arduradunekin zuzeneko harremanen bidez. Herri-konpromisoaren bidez 10.000 harpidetza lortzea da helburua. Herritarrak proiektu komunikatibo hau sendotzearen arduradun aktiboak izango dira. Lan egiteko bi modu izango dituzte; zuzeneko boluntario gisa eta herri batzordeetan. Batzordeetan, hiru ardatzetan egingo dute lan, norbanakoen harpidetzekin, tabernetako harpidetzekin eta instituzioetakoekin. Zuzeneko boluntarioak, aldiz, zuzenean GARArekin harremanetan jarriko dira eta, egunkariko langileen laguntzarekin, bere kontura lortuko ditu harpidetzak.
bideoa prestatzen
Martxoak 8ko grebaren eta hilabetean zehar antolatutako ekintzen aurkezpena

2019-03-04
Emakumeen Nazioarteko egunean, martxoaren 8an Donostiako mobilizazioetan parte hartzeko gonbita luzatu du Berdintasun zinegotzia den Duñike Agirrezabalagak. “Bizitza zentroan” lelopean, Mugimendu Feministak 24 orduko greba deitu du eta egun osoko egitaraua antolatu dute. Aurtengo grebak zaintza lanak ikusaraztea du helburu. Zaintza lan ordainduetan eta ez ordainduetan gertatzen diren egoerak agerian jarri nahi dituzte, baita sistema publikoaren ardurapekoak direnak ere. Gizarteari buruzko gogoeta sustatu nahi dute eta beste garapen eredu bat eraiki, bidezkoagoa, jasangarriagoa eta parekideagoa, zaintza arloko jardunbide egokietan oinarritua. Dandai, Asade, Haurralde, Gehitu eta Irutxulo Sub emakume elkarteek hainbat ekimen antolatu dituzte martxoa osoan zehar.
bideoa prestatzen
Hainbat gizarte elkartek emakumeentzat DSBE duina eskatu dute Lanbideren aurrean

2019-03-04
Diru-sarrerak Bermatzeko Errenta hartzen dutenen gehiengoa emakumeak direla jakinda, Bizkaiko zenbait elkartek emakume horien babesgabetasun eta ikusezintasun egoera salatu dute Bilbon, Mazarredo zumarkalean, Lanbidek duen egoitzan. DSBEaren murrizketekin amaitzea eskatu diote Jaurlaritzari eta martxoaren 8ko greba feministarekin batzera dei egin dute.
bideoa prestatzen
Hedabideentzako dirulaguntza sistema berria adostu dute EAEko erakundeek eta Hekimenak

2019-03-04
Euskarazko hedabideentzat finantziazioa hobetzeko hitzarmena adostu dute Eusko Jaurlaritzak, Araba, Bizkaia eta Gipuzkoako Aldundiek eta Hekimen elkartean biltzen diren euskarazko hedabideek. Guztira 10,5 milioi euro bideratuko dituzte erakunde horiek hedabideei laguntzera.
bideoa prestatzen
Dagoeneko itzalita dago Muskizko udalerria kaltetu duen baso-sutea

2019-03-04
Larrialdietako Zerbitzuek jakinarazi dutenez, gaur goizeko 06:00etan, itzali gabeko albo bat bakarrik geratzen zen, mendietako eremuetako batean. Atzo, arratsaldeko 19:00etan sortu ziren su iturri desberdinak itzaltzeko, orotara, Larrialdietako Zerbitzuetako 20 kamioi aritu ziren eta horretaz gain, boluntarioak ere lanean aritu ziren. Hegoaldeko haizeak 80 kilometro orduko abiadura hartzen zuen eta horrek suhiltzaileen lana zaildu. Karraskal auzoan izan da suterik handiena, baina, jatorri desberdinak zituen suak. Gauean zehar hartu dute kontrolpean sua, nahiz eta A8 autobidea itxita egon den eta biztanleak bere etxeetatik atera behar izan diren. Borja Liaño Muskizko alkateak adierazi du, ez duela hipotesietan sartu nahi, baina inpresio pertsonala dela eragindako sutea izan dela, gune geografiko desberdinetan egon direlako su iturriak.