Skip to main content

Azken bideoak: Gizartea

bideoa prestatzen
Emakume uholde batek hartu du Donostia Martxoaren 8ko mobilizazioetan

2019-03-08
Milaka emakumek egin dute bat Gipuzkoako hiriburuan Euskal Herriko Mugimendu Feministak antolatutako mobilizazioekin. Hiriako hainbat txokotan ibili diren manifestazio, kazerolada, gurpildun martxa eta gainontzekoak Boulevardean batu dira eguerdiko ekitaldi nagusirako.
bideoa prestatzen
Emakumeek bazterretik erdigunera egin dute M8ko greba feministan Bilbon

2019-03-08
"Bazterrak gainez egin zentroa okupatzeko" lemadun pankartaren atzean, milaka emakume bildu dira Martxoaren 8ko greba feministaren lehen deialdi handiak, eguerdiko manifestazioa hiriburuetan. Bilbon, hiriko ertzetatik abiatu diren hainbat zutabek bat egin dute Udaletxearen aurrean.
bideoa prestatzen
171 egun greban soldata arrakala salatzen, Martxoaren 8aren bezperan

2019-03-07
171 egun daramatzate dagoeneko greban epaitegietako eta polizia etxeetako garbitzaileek. Martxoaren 8aren bezperan, Eusko Jaurlaritzak Donostian duen egoitzaren atarian egindako elkarretaratzean salatu dute soldata arrakala kasu baten aurrean zerbait egiteko aukera duela Urkulluren gobernuak. Hitzetatik ekintzetara pasatzeko eskatu dute.
bideoa prestatzen
Adostuz Euskadiko Irakasle Jubilatuen Elkarteak erreklamazioa jarri du beren kalte-ordaina exijitzeko

2019-03-07
2000 irakasle jubilatutik gora batu dira erreklamaziora. Jubilatzeko erabakia hartzeko arrazoia azaldu dute. Gobernuak irakaskuntzako hitzarmenaren zati hau etenaldian dauka, kostuak bere gain ezin hartu dituela argudiatuta. 2012tik, hasi zirenetik, igotzen ari da zorra, momentu honetan 80-120 milioitakoa da. Azaldu dute, beti adierazi dutela elkartetik gauzak errazteko borondatea, zatika ordaintzea esaterako. 2200 bazkide dira eta gehiengoak jarri du erreklamazioa. Irakasle jubilatuen bi herena dira momentu honetan. Eusko jaurlaritzari erantzukizunak eskatu dizkiete. Hezkuntzako sindikatuen babesa daukate eta adierazi dute erreklamazioak jartzen jarraituko dutela eta beraz, jendeak batzeko iniziatibara aukera daukala oraindik ere.
bideoa prestatzen
Iruñeko Udalak "berdintasuna aldarrikatzeko" adierazpen instituzionala onartu du

2019-03-07
Iruñeko Udaleko alderdiek martxoaren 8a babesteko adierazpen instituzionala onartu dute gaur. Horretan hainbat konpromezu hartu ditu udalak, besteak beste: berdintasun lege eta arauak hartzea eta mugimendu feministarekiko babesa.
bideoa prestatzen
SASOI ONEAN: zahartze aktiboa, tailerrak eta Osasuna

2019-03-07
Saio honetan zahartze aktiboaz, tailer ezberdinez eta osasunaz hitz egingo dugu. Horretarako, Ispasterreko eta Lea-artibaiko jubilatuen elkarteak bisitatuko ditugu. Ondoren, “Bizitzen fundaziora joango gara adinekoentzako eskaintzen dituzten tailerren Berri jakiteko eta azkenik, Illary zentrora hurbilduko gara fisioterapiaren onurak zeintzuk izan daitezkeen jakiteko.