Skip to main content

Azken bideoak: Politika

bideoa prestatzen
PSNk Iruñeko Udalaren aurrekontuak babestuko dituela baieztatu du

2019-05-03
Maite Esporrin PSNren Iruñeko zinegotziak ziurtatu du finantzarioki jasangarriak diren inbertsioetara 600.000 euro gehiago bideratzea jarri dutela aurrekontuak babesteko baldintza gisa. Aurrekontuak onartzeko baldintza gisa, aurrekontu proiektua arlo finantzarioan jasangarria izan dadin lortze aldera 600.000 euroko diru sarrerak eragingo dituzten neurriak bultzatu dituztela ziurtatu du
bideoa prestatzen
Urtebete igaro da ETAk behin betiko bere ibilbideari amaiera eman zionetik

2019-05-03
Euskal Herriaren historian mugarri izandako efemeridea eta aro berri bati ateak parez pare ireki zizkiona. 2009an, Ezker abertzaleak abiatutako bideari jarraiki, Aieteko adierazpena giltzarri, ETAk bere ekintzak bertan behera utzi zituen aurrena, ondoren armagabetu, eragindako kaltea aitortu eta azkenik desegin egin zen. Arnagako ekitalditik urtebete igaro denean, belaunaldi ezberdinak markatu zituen albistearen ondotik, gatazka lazgarri batek utzitako arrasto eta ondorioak behar bezala ixtea da euskal jendarteak, instituzio, eragile eta mugimendu sozialek duten erronka nagusietako bat.
bideoa prestatzen
Agur jendetsua Laudion Isidro Murgari

2019-05-03
Jende andana bildu da Laudion Isidro Murgari omenaldia egiteko. Iragan larunbatean zendu zen Murga: EGIN egunkariko sustatzaile eta herri mugimendu ugaritako kidea izan zena. Lamuza parkean egin dute ekitaldia, eta ehunka herritar bertaratu dira zitara, gizarte eta politika munduko ordezkari ugarirekin batera.
bideoa prestatzen
Txus Martin preso gaixoaren egoera salatzeko elkarretaratzea egin dute Bilbon

2019-05-02
Bihotzeko ebakuntza egin diote Basurtuko ospitalean eta Txusen aldeko plataformak salatu duenez, epaileak emandako baimenaren baldintzak hautsi ditu Eusko Jaurlaritzako Segurtasun sailak ezarritako zaintza operatiboak. Ertzainaz inguratuta dagoela azaldu du plataformak, normaltasunez artatua izateko eskubidea ukatzen zaiolarik eta bere osasuna arriskuan jarriz.
bideoa prestatzen
Iruñeko Udalak 9,7 milioi euroko aldaketa proposatu du aurrekontuetan

2019-05-02
Udalbatzak maiatzaren 9an onartuko du EHBildu eta Geroa Bai gobernu-kideen eta oposizioko PSN eta IE alderdien babesarekin. Udalaren superabitari esker egin ahal izango dira aldakeata horiek. Auzo Planaren zaharberritzean, mugikortasunean eta arlo sozialean egingo dira inbertsioak.
bideoa prestatzen
Prekarietatearen aurkako aldarria nagusi Maiatzaren 1eko mobilizazioetan

2019-05-01
Milaka lagunek egin zuten bat Maiatzaren 1ean Euskal Herrian egindako mobilizazioekin. Iruñean egin zuen manifestazio nagusia LAB sindikatuak, eta Bilbon berriz ELAk. Baionan mobilizazio bateratua egin zuten CGT eta LAB sindikatuek. CCOO eta UGTk berriz Hego Euskal herriko lau hiriburuetan egin zituzten mobilizazioak.