Skip to main content

Azken bideoak: Politika

bideoa prestatzen
Inbestidurarako bermerik egon ezean, negoziazioek eta bilerek jarraituko dute Nafarroako parlamentuan

2019-07-01
Lehendabiziko aldiz Madril aldetik Nafarroako gobernagarritasunaren haria, PSNk eta Euskal Herria Bilduk mantendu beharreko harremanaz, bileraren aldeko deklarazioak egin dira. Jose Luis Rodriguez Zapatero, estatuko presidente ohiak, beti ere negoziazioa alboratuta, hitz egitearen alde agertu da. Nafarroari buruz zehatz mintzatu ez bada ere, horretaz galdegin zaionean egin du gogoeta Zapaterok.
bideoa prestatzen
Donostiako Udalak adierazpen bateratua egin du Ekainaren 28aren harira

2019-06-28
Ekainaren 28aren harira, Udal-adierazpen bateratua irakurri dute gaur Donostian udalbatzan ordezkaritza duten alderdi politiko guztiek. Nazioarteko LGTBI+ eguna dela eta udaletxean jarritako ortzadar bandera bat balkoian jarrita, eta are bandera handiago bat lurrean zabalduta, duela 50 urte New Yorkeko StoneWall Inn-en izandako sarekadak eragindako istiluak gogoan hartuta ekin diote ordezkari politikoek adierazpena irakurtzeari. Bederatzi puntutan banatutako adierazpena EAJ, PSE, EH Bildu, PP eta Elkarrekin Donostiako ordezkariek irakurri dute hurrenez urren. Adierazpena ber bateratua izan den arren, ekitaldiaren amaieran PPko ordezkarien jarrera salatu du Aitzole Araneta, elkarrekin Podemoseko zinegotziak.
bideoa prestatzen
2020an Herri San Ferminak Alde Zaharretik botatzeko asmoa iragarri du Mayak

2019-06-28
Berrikuntzarik ez dio egin aurreko Udal Gobernuak osatutako 496 ekimen barnebiltzen dituen programari. Hala ere, Foruen plazako egitarauari dagokionez, beste bi kontzertu antolatzeko asmoa azaldu du Maria Garcia Barberena Kultura zinegotziak. Hala ere, hurrengo urtean Herri San Ferminak ez direla Alde Zaharrean egongo azpimarratu du Maya alkateak.
bideoa prestatzen
Pau Sarrate aktoreak jaso du EHGAMen Urrezko Hirukia

2019-06-28
Sari honek helburutzat du berdintasunerako mugimenduan aniztasunaren alde lagundu duten pertsona, elkarte edo erakundeak saritzea. Pau Sarrate aktoreak, Il Circo Italiano-n Paute pailazoaren rola betetzen du. Adierazi dute, saria eman diotela ume eta nagusiei zuzenduriko ikuskizunean dibertsitatea ikusarazi eta berdintasuna eta inklusibotasuna bultzatzeagatik. Eskertuta agertu da Sarrate. Esan du, beti normaltasunez onartu eta adierazi duela bere sexualitatea. Horregatik, gaineratu du, ikuskizunean ere gaia naturaltasunez jorratzen duela. Bestalde, Trapuzko Espartina ere entregatu dute urtero bezala. Ana Beltran PPko diputatuarentzat izan da, LGBTIQ+ eskubideak zapaltzeagatik eta mespretxuzko adierazpenak egiteagatik.
bideoa prestatzen
San Ferminetako txupinazoan banderak eta tamaina handiko oihalak sartzea debekatu du Enrique Mayak

2019-06-27
Neurri horren helburua txupinazoaren unean plazan ikurriña erraldoiak eta aldarrikapen pankartak debekatzea izango litzateke
bideoa prestatzen
Bartzelonan egingo du Foro Sozialak biktimen arteko kurtso honetako azken topaketa

2019-06-27
Bartzelonan, hango eta hemengo lau biktima elkartuko ditu Foro Sozialak. Jatorri ezberdinetako indarkerien biktimak izango dira uztailaren bat eta bian egingo den ekimenean parte hartuko dutenak. 2018-2019 ikasturtearen balantzea egiteko deitutako prentsaurrekoan eman du horren berri Foro Sozialak. Bertan azaldu dutenez, Euskal Herrian bizikidetza demokratiko bat eraikitzeko oinarriak finkatzen hasteko helburua jarri zioten euren buruari, giza eskubideen eta bakearen kultura erreferente izanda. Ikasturtea nabarmen baldintzatu duten hainbat mugarri aipatu dituzte, ETAren desegitea edo Pedro Sanchez gobernu espainiarreko presidentetzara iritsi izana kasu.