Skip to main content

Azken bideoak: Politika

bideoa prestatzen
Segurtasun-tartearekin eta maskarekin egingo dira hauteskundeak

2020-06-01
Eusko Jaurlaritzak uztailaren 12ko Eusko Legebiltzarrerako hauteskundeetarako jarraibideak aurkeztu ditu. Nekane Murga Osasun sailburuak Estefania Beltran de Heredia Segurtasun sailburuarkin batera eman du prentsaurrekoa. Bertan zazpi alorretarako jarraibideak eta gomendioak nabarmendu dituzte. Kasurik gehienetan, segurtasun-tartea uztea, maskara erabiltzea, eskuak sarri garbitzea eta gainazalak eta leku jendetsuak garbitzea azpimarratzen dira.
bideoa prestatzen
Naroa eta Ibai

2020-05-28
Oraingoan zuri dagokizu erantzutea, Ibai.
bideoa prestatzen
Etxetxo Larroxatik: Sonsoles

2020-05-28
Zorra kitatu du Ibaik. Galdetegia egin dio Madrilgo Salamanca auzolo solaskideari.
bideoa prestatzen
Pello Alcantarilla preso ohiak De los Cobos ikusi zuen berari egindako tortura saioetan

2020-05-29
Berria egunkariari azaldu dio 2004an Madrilgo Tres Cantoseko komandantzian torturatzen zuten bitartean Diego Pérez de los Cobos han zegoela. Bertako polizia judizialeko burua zen momentu horretan. Telebistan ikusitakoan identifikatu du guardia zibilen Madrilgo egungo burua. Alcantarilla, 2004an Burgosen kamioiarekin lanean ari zela atxilotu zuten ETArekin lotura zuelakoan eta Madrilera eraman zuten Tres Cantosera. Torturak hasieratik egin zizkioten, bai errepidean nola komandantzian bertan. Kolpe eta irain etengabeak jasan zituen. Aitortu du azken aldian albisteetan hainbeste aldiz ikusi behar izateak orduko torturak gogorarazi eta “samina eta gorrotoa” eragin dizkiotelako erabaki duela bizi izandakoa kontatzea.
bideoa prestatzen
Ekainaren 7an plazak aldarriz betetzeko deia egin du Hamaika Gara mugimenduak

2020-05-28
Herritarren aldarrikapenek plaza publikoa berreskuratzeko garaia dela iritzi du dinamikak eta, horixe da Josu Etxaburu Gure Eskuren bozeramaileak azpimarratu gura izan duena. Ekimenaren nondik norakoak kontatzean gain, esan du, krisi honi Euskal Herritik eta guztion artean erantzun behar diogula. Izan ere, nahi horren erakustaldia izango da ‘Hemen erabaki, herritarrok erabaki’ lelopean egingo den egintza.
bideoa prestatzen
Ipar Euskal Herriko 142 herritan banatu dituzte herriko etxeetako karguak

2020-05-28
Martxoaren 15ean egin zuten herriko hauteskundeen lehen itzulia eta emaitza erabakita gelditu zen herri hauetan, zerrendek gehiengo osoa lortu ostean. Maiatzaren 18an hartu zuten kargua hautetsiek, eta herri kontseilua osatu eta auzapeza izendatzeko elkartu ostean, gaur da azken eguna karguak banatzeko. Gainontzeko herrietan, 18tan hain justu, zerrendek ez zuten gehiengo osoa lortu, beraz bigarren itzulirako zita dute datorren ekainaren 28an.