Skip to main content

Araba

Arabako adinekoen egoitza pribatuetan ere lanuzteak egin dituzte

2020-10-07
Atzo Gipuzkoako zahar etxeetan egin zuten greba, gaur, berriz, Arabako adinekoen egoitza pribatuetan. Langileek, beste behin, lan-baldintza eskasak dituztela salatu dute, eta lan hitzarmen kolektibo duina eskatu diote Arabako Foru Aldundiari. Eusko Jaurlaritzak, ordea, %100eko gutxieneko zerbitzuak jarri ditu. Horrekin greba eskubidea urratu du Jaurlaritzak LAB eta ELA sindikatuen iritziz.
66 urteko abeltzain bat hil da Urizaharran, traktoreak harrapatuta

2020-06-02
Urizaharrako 66 urteko abeltzain bat hil da astelehen honetan, lan-istripu batean, traktorearen eta ibilgailuaren atoiaren artean harrapatuta geratu ostean. Urtea hasi zenetik gutxienez 34 langile hil dira lan istripuetan eta beste bik desagertuta jarraitzen dute Zaldibarko zabortegian.
Baskonia: Mitoak, hitoak eta izaera aztergai

2020-05-18
Baskoniaren inguruko Marakana Txikia monografikoa Joseba Sanchez-ekin batera: Talde gasteiztarraren inguruko garaipen, jokalari eta entrenatzaile mitikoak hizpide.
Luiaondon gertatutako baso-langilearen heriotza salatu du euskal gehiengo sindikalak Laudion

2020-05-06
Luiaondon gertatutako baso-langilearen heriotza salatu du euskal gehiengo sindikalak Laudion, Forestal Frias enpresaren atarian. LAB, ELA, ESK, STEILAS, EHNE eta HIRU sindikatuek beharrerako eredu berri bat exijitu dute bizitza eta osasuna lehenetsiko dituena. Ohar bidez nabarmendu dute argi daukatela lan-istripuak ez direla zorte txarraren edo kasualitatearen ondorio, baizik eta lan-harremanen, prekarizazioaren, lan-araudiaren eta azpikontratazioaren ondorio direla.
Sarek, Etxeratek eta Salhaketak presoen egoera "ezkutatzea" egotzi diote Espainiako Gobernuari

2020-05-05
Sarek, Etxeratek eta Salhaketak nabarmendu dute euskal presoen "ehuneko handi batek" nazioarteko erakundeen jarraibideak betetzen dituela. Gainera, Eusko Jaurlaritzak izan duen jarrera salatu dute; datuak "ezkutatu" izana egotzi diote Araba, Bizkaia eta Gipuzkoako kartzeletako osasun eta segurtasun arloko eskumena badu ere. Izan ere, kutsatutako presoen kopurua oso murritza da funtzionarioenarekin alderatuz. Honela, dei egiten diete eragile politiko, sozial eta sindikalei 'Espainiako kartzeletako koronabirusaren kudeaketaren salaketa' adierazpenarekin bat egin dezaten.
Apirilean 13.507 langabe gehiago daude Hego Euskal Herrian

2020-05-05
2019ko apirileko datuekin alderatuta, langabezia ia %20 hazi da Araba, Bizkaia eta Gipuzkoan eta %24,13 Nafarroan. Koronabirusaren pandemiak eragin negatiboa izan du Hego Euskal Herriko enpleguaren bilakaeran, lau herrialdeetako langabeziaren igoera orokorra izan baita, Espainiako Enplegu Ministerioak astearte honetan argitaratutako datuen arabera.
 
bannerra

bannerra