Skip to main content
bannerra

Gurean Gaur

Hauteskunde debatea, bihar gauean, Hamaika Telebistan

2020-07-07
Eusko Legebiltzarrerako hauteskunde debatea izango da bihar Hamaika Telebistan. Maria Eugenia Arrizabalaga (EAJ), Nerea Kortajarena (EH Bildu), Iñigo Martinez (Podemos-Ahal Dugu), Eneko Andueza (PSE-EE), Jose Ramon Becerra (Equo Berdeak) eta Laura Garido (PP) izango dira. 22:00etik aurrera, Hamaika Telebistan eta www.hamaika.eus webgunean.
Bozka eguna ate joka dagoen honetan ertz desberdinak mahaigaineratu ditu Berriaren 'Hauteskundeen Atarian' atalak

2020-07-07
'Hauteskundeen atarian' sortu du Berria hedabideak. “Pandemiaren itzalean” deitura duen lehen saioan segurtasun neurriak, posta bidezko bozka eta pandemiaren eragina dira hizpide.
25 urteko ibilbidea ospatzen ari da Euskaltel, begirada muga berrietan jarrita

2020-07-07
1995an sortu zen eta ordutik etengabeko hazkundea izan du. Ohar bidez jakinarazi duenez, 2.500 milioi euro kontratatu dizkie EAEko hornitzaileei. Gainera, 1.800 milioi euroko inbertsioa egin du Araba, Bizkaia eta Gipuzkoako zuntz-sarean eta horri esker EAE europako puntako herrialdeen artean kokatu da gizartearen digitalizazioari dagokionez.
Heziketa bereziko langileek haiekin elkartzea eta benetako negoziazioa bideratzea exijitu diote Hezkuntza Sailari

2020-07-07
Heziketa bereziko langileek salatu dutenez, Eusko Jaurlaritzako Hezkuntza Sailak aldebakarrez eta modu ilunean jokatu du azken ikasturteetan zehar. LABek adierazi legez, jokabide hau agerian geratu da eta areagotu egin da azken hilabete hauetan bizitako salbuespenen egoeran. Horregatik, Hezkuntza Sailari haiekin elkartzea eta benetako negoziazioa bideratzea exijitu diote.
Errepidera itzuliko da Euskaltel Euskadi txirrindularitza taldea uztailaren 18an

2020-07-07
Uztailaren 18an jokatuko du aurtengo lehen lasterketa Euskaltel-Euskadi taldeak Portugalen, Joaquim Agostinho sarian. Egutegiko azken data, aldiz, Ordiziako klasikan izango du talde euskaldunak, urriaren 12an. Aurreko etapan euskal zaletuen uholdea ekarri zuen eta marea laranja deritzon zalegoak errepide bazterrak bete zituen urte luzez. Hori berreskuratzeko asmoa dute bai taldeko arduradunek baita Euskaltel-ek ere eta horretarako aurkeztu dute marea laranjaren kamiseta berria.
35 urte Piti eta Sarriren Martuteneko ihesalditik

2020-07-07
Gaurko egunez duela 35 urte, 1985eko uztailaren 7an, Martuteneko espetxetik ihes egin zuten Joseba Sarrionandia eta Iñaki Pikabea presoek. Imanol Larzabalek emandako kontzertua aprobetxatu zuten haren bozgorailuen barruan ezkutatuta ateratzeko. Pikabea bi urtera atxilotu zuten berriz, baina Sarri kanpoan bizi izan da orduz geroztik.
 
bannerra

bannerra