Skip to main content

Gurean Gaur

Kaleratzeak Stop plataformak elkarretaratzea egin du Gasteizen

2019-04-03
Kaleratzeak Stop plataformak Gasteizko Foru kalean elkarretaratzea egin du Josek apirilaren 11n pairatu behar duen kaleratzea salatzeko eta erakundeen esku-hartzea eskatzeko. Jose, kaleratua izango den La Puebla de la Barkako (Errioxar Araba) biztanlea da, hostalaritzan lan egindakoa eta 2010ean bizkarrezurrean lesioa sufritu zuena. Urte batez bajan egon ostean, kaleratua izan zen eta han eta hemenkako aldi baterako lanetan egon da. Diru sarrera ez-finkoekin, ezinezkoa izan zaio Ibercaja kutxarekin duen hipotekari aurre egin. Hortaz, zazpi hilabetez ezin ordaindu eta gero, Ibercajak mailegua erreklamatu egin dio. Etxea enkantera atera eta %70ko balioan saldu egin zen, eta Joseri 7.000 euroko zorra ordaintzeko eskatzen diote.
Algeriako presidenteak dimisioa eman du

2019-04-03
Abdelaziz Bouteflika Algeriako presidenteak dimisioa eman du, 20 urte karguan eman ondoren. Bouteflika kolonialismoaren ondorengo agintari arabiar sendoenetakotzat hartu izan da, eta armada izan da haren boterearen oinarria. Hasiera batean apirilaren 18an egitekoak ziren hauteskundeetara aurkezteko asmoa zuen Bouteflikak, eta bere alderdiak presidentearen hautagaitza erregistratu zuen. Hori dela eta, azken aste hauetan ugari izan dira presidentearen hautagaitzaren aurka lehenik, eta honen dimisioa eman dezala eskatzeko ondoren, herrialdean egin diren manifestazioak.
EH Bilduk apirilaren 21eko Aberri Egunean parte hartzeko deia luzatu du

2019-04-03
EH Bilduk aberri eguna Iruñean ospatzeko deia luzatu du. Hilak 21ean ospatuko da, igandean. Gaurko agerraldian, Bakartxo Ruizek eta Arnaldo Otegik, Nafarroaren egoera politikoa aztertu eta eskuin autoritarioaren aurrean, Aberri Egunean herri aurrerakoi, feminista eta independentista aldarrikatzera deitu dute.
Donostiako EH Bilduk kezkagarritzat jo du "udal gobernuaren norabidea"

2019-04-03
Donostiako EH Bilduren udal taldeak 2015-2019ko agintaldiaren balorazioa egin du. Bertan bi “jarduera mota” nabarmendu ditu; alde batetik, iragarri direnak eta bete ez direnak, berandu bete direnak edo oker bete direnak. Eta bestetik, isilpean edo iragarri gabeko proiektuak, Donostiako etorkizuna hipotekatzen eta norabide kezkagarrian jartzen ari diren erabakiak. Horrekin batera alderdiak hirugarren zerrenda bat egin du, egin behar zirenak eta egin ez dituztenak jaso dituzte zerrenda honetan. Bertan, Donostia norabide kezkagarrian jarri dituzten ekimen, ekintza edo egitasmoen argazkia jaso dute. Alderdiak adierazi du beraien balantzea negatiboa eta kezkagarria dela, Udal gobernuak azken urtetan hartutako erabakiak desegokiak izan direlako eta garrantzitsutzat jo dute Donostia norabide hobean kokatzea.
Valentina pailazoaren bidaiari buruzko dokumentala aurkeztuko dute bihar

2019-04-03
Juan Luis Napalek eta Virginia Senosiain aktoreak “Valentina: Ausartatxo Clown” film dokumentala estreinatuko dute. Aktore nafarrak Valentinaren rola hartu eta hiriz hiri ibiliko da beste emakume pailazoekin eta euren alter-egoekin gogoeta eginez.
Elkarrekin Podemos taldeko kideak Deustuko erriberara hurbildu dira auzokideen protestak jasotzeko

2019-04-03
Helburua izan da urteetan auzokideek izan dituzten protestak bildu eta ondoren Udaletxera eramatea. Iraganaz, orainaz eta Zorrozaurreren etorkizunaz hitz egin nahi dutela adierazi dute, Bilbo hobe eta inklusiboago bat eraikitzeko asmotan. Salatu nahi izan dute auzoan urteetan zehar egin den industria espoliazioa. Industria ondarea babestua izan behar dela azaldu dute, babestua, zaindua eta errespetatua. Artiach lantegiaren eraikina da egoera kaxkarrean dauden eraikinetako bat, adibidez. Hauek babesteko lege proposamenari egin diote emendakina.
 
bannerra

bannerra