Skip to main content

Gurean Gaur

Apirilaren 28rako deitu ditu azkenean kongresu eta senaturako hauteskundeak Pedro Sanchezek

2019-02-15
Apirilaren 28a zen azken orduotan gehien errepikatzen zen aukera. Mahai gainean zeuden beste bi egunak bozketa apirilaren 14an edo maiatzaren 26ko beste bozketekin batera egiteko aukeren aurretik. Gauzak horrela, Kongresurako eta senaturako hauteskundeak Apirilaren 28an deituta, Apirilaren 12an hasiko da hauteskunde kanpaina. Aste santuan egingo da hauteskunde kanpaina. Hilabete beranduago, maiatzaren 26an itzuli ebharko dute herritarrek hauteslekuetara, Udal, Foru eta Europa mailako hauteskundeetan bozkatzera. Kontua da kasu honetan kanpainari Maiatzaren 10ean ekingo zaiola, Apirilaren 28ko hauteskundeak amaitu eta bi aste baino gutxiagora alegia. Estatuko gobernua osatzeko negoziaketa betean direla ekin beharko diete alderdiek bigarren hauteskunde kanpaina bati. Bien bitartean, aurrera jarraituko du Preso politiko Kataluniarren aurkako epaiketak ere. Estatu mailako hauteskunde kanpainak iraun bitartean astearte, asteazken eta ostegunero egingo dira saioa Auzitegi Goren espainiarrean. Hain justu, Europarako hauteskunde kanpainari ekin baino egun bat lehenago amaituko dira saioak.
Sindikatuak presoen eskubideen alde elkartu dira Bilbon

2019-02-15
ELA, LAB, UGT, ESK, STEILAS, CGT/LKN, CNT, EHNE, HIRU eta ETXALDE sindikatuek elkarretaratzea egin du Espainiako Gobernuaren Bilboko egoitzan presoen eskubideak defendatzeko. Abenduan agindu zuten bezala, hilero azken ostiraletan egingo duten mobiliziazioa da. Gradu progresioa, dispertsio politikaren amaiera eta preso gaixoen etxeratzea aldarrikatu dituzte.
Lezo-Jaizkibel mendi lasterketaren VI.mendi lasterketa izango da otsailaren 24an

2019-02-15
Lezo-Jaizkibel mendi lasterketaren Seigarren edizioa izango da otsailaren 24an. Lasterketa goizeko 10:00tan hasiko da Lezoko Santo Kristo Plazan eta amaituko da. 14 kilometro, 1200 metroko desnibel metatua eta 200 metroko ibilbidea izango dute parte hartzaileek. Antolatzaileak oso gustura daude jendearen inskripzioekin, gorazkoa dela azpimarratu dute. Aurtengo edizioan lasterketaz gain TOR filma emango dute otsailaren 22an arratsaldeko 19:00tan Lezoko Gezala Auditorioan. Eta aurten lau neska futbolista omenduko dituzte (Edurne Osa, Lierni Oyaga, Anne Mugarza eta Ainara Herrero). Bestalde, aurtengo lasterketa aurreko urtekoarekin konparatuta azkarragoa espero dute. Aurtego edizioan ere euro solidarioa egingo dute eta jasotako dirua Surfrider Fundazioarentzat izango da. Baina dirua emateaz gain kontzientzia piztu nahi dute, horretarako saiatuko dira ahalik eta plastiko gutxien kontsumitzen.
Sinadura bilketa masiboa martxan dago erlijio irakasgaia ikastetxeetatik ateratzeko helburuarekin

2019-02-15
Ekimenaren helburua erlijio ikasgaia Euskal Herriko ikastetxeetatik ateratzea da. Azken urtean egindako ildo ideologikoen berrikuspenaren ondorioa da. Berrikuntza bezala, gune erlijiosoetako agintariekin eztabaida mahaiak zabalduko ditu LAB sindikatuak. Dinamika honen baitan Eskola Publiko Komunitarioaren parte izateko ikastetxeek bete beharreko ezinbesteko irizpideak zehaztu ditu, eta irizpide horien baitan hezkuntzaren izaera laikoa agertzen zaigu. Hala ere, irakasgai honetako irakasleengandik kendu nahi dute fokua
Nueva Durangoko menoniten bizimodua, Miguel Bergasaren argazkietan ikusgai

2019-02-15
Nafarroako Unibertsitatearen Museoak “Menonitas de Nueva Durango” Miguel Bergasa argazkilariaren erakusketa bildu du. Martxoaren 24rarte izango da ikusgai eta Paraguayko eskualdeko sekta horren herrixka bateko biztanleen bizimodua erretratatzen du. Menonitak batez ere Ameriketan kokatzen diren gizarte esparru itxiak dira.
Baskonia, Koparen bila Madrilen

2019-02-15
10 urte eta gero, Baskoniak Kopako titulua irabazi nahi du berriz. Gasteiztarrek Shengelia, Granger eta Garinoren hutsuneak izango dituzte, baina Euskal Herritik joandako hainbat zaletuen babesa jasoko dute. Perasovic-en mutilen lehen aurkaria Badalonako Joventut izango da. Katalanek goi mailako jokalariak dituzte, euren artean, Laprovittola, Marko Todorovic edo Xabi Lopez-Arostegi getxoztarra.
 
bannerra

bannerra