Skip to main content
bannerra

Gurean Gaur

Hiru euskal preso hirugarren gradura pasako dira

2020-07-08
Sebas Etxaniz, Txus Martin eta Oier Urrutia dira hirugarren gradura pasatu diren presoak.
122 urteko espetxealdia eskatu du Espainiako fiskaltzak Marixol Iparragirre euskal presoarentzat

2020-07-08
ETAko kide historikoak 16 urte bete ditu Frantziako espetxe batean baina kondena bete ondoren Espainiaratzea erabaki zuten, iazko irailean. Ordutik Brievako kartzelan izan dute epaiketaren zain eta hain zuzen gaur hasi da Iparragirrek aurre egin beharko dien hamabi epaiketetatik lehena.
48 kasu zenbatu dituzte dagoeneko Ordiziako agerraldiarekin lotuta

2020-07-08
Ordizian atzemandako koronabirus agerraldiarekin lotuta 48 kasu baieztatu dituzte jada, eta gaitza atzemateko egin dituzten detekzio-probetan positibo eman duten pertsona gehienak udalerri horretan bizi dira.
Pandemiaren kudeaketa eta krisi ekonomikoa aztergai

2020-07-08
Pandemiaren kudeaketa eta krisi ekonomikoa izan dituzte aztergai hautagaiek, ETB2ko hauteskunde-debatean. Eztabaida nagusia Urkullurekin hasi da, pandemiaren kudeaketa bakarrik eta autokritikarik gabe defendatuz. Iriarterekin amaitzeko, Euskal Herria Bildu aurkeztu du, herritarrei mesede egingo dien edozein itunetan eskuzabala izateko prest, Mendia babestuko lukeen hipotesiaren inguruan.
German Rodriguezi omenaldia egin diote haren erailketaren 42. urteurrenean

2020-07-08
SF 78 Gogoan plataformak goiz osoan zehar lore eskaintza antolatu du. Aurten festarik ez egon arren gogoratu dute uztailaren 8an, Sanferminen barruan antolatzen dutela ekitaldia, 1978ko egun horretan hil baitzuen poliziak gazte iruindarra.
Berriak ekoiztutako 'Geroa euskaratik' saioak euskararen egungo egoera eta aurrera begirako gakoak ditu hizpide

2020-07-08
Euskararen presentzia pandemia garaian aztertu da Martin Ugalde Foroan. Berriak “Geroa euskaratik” deitutako saioan jaso du egungo egoera zein den, eta aurrera begirako gakoak eta egin beharrekoak. Irene Arrarats Berriako euskara arduraduna, politikarien hizkuntza hautuaz aritu da eta herritarrei baino gehiago eskatu behar zaiela iritzi dio. Jon Sarasua unibertsitateko irakasle eta kulturgileak hizkuntzaren inguruko akordio baterako abagunea ikusten du. Bestetik, Euskararen Gizarte Erakundeen Kontseiluak alarma egoeran ikusi du hizkuntza eskubideen mekanismoak ahulak direla eta berehala hartu beharreko neurriak zehaztu ditu.
 
bannerra

bannerra