Skip to main content

Gurean Gaur

Aranzadik Gerra Zibileko Saseta Defentsa Sisteman erabilitako kanoien erakustaldia egin du

2019-07-11
1936ko abuztuan, defentsa sistema sortu zuten erresistentzia antifaxistako gudariek matxinatuen erasoengatik kanoiak abandonatu zituzten Andoaingo Belkoain tontorraren pean. 6 urtetan zehar ibili dira erresistentzia gune hau industen. Izan ere, Erniotik hasi eta Belkoain bitartean osatutako defentsa sistema izan zen, 40 kilometro karratuko eremua hartzen zuelarik. Azaldu dutenez, elkarrekin komunikatzen zen defentsa sistema bat osatu zen oso denbora laburrean eta eraginkorra izan zen, 31 egunez eutsi baitzieten frankistei.
Bilboko EH Bilduk erantzukizuna eskatu dio udalari lan gatazketan

2019-07-11
Zuzenean edo zeharka udalaren menpe dauden lanpostuen baldintza txarrak salatu ditu EH Bilduk Bilbon. Hainbat zerbitzuetako langileen grebak eta protestak baldintza horien adierazle dira eta koalizioak azpikontraten kontrol zorrotza exijitu dio hiriko gobernuari.
Ana Txurruka: "Espazio publikoa oso lotuta dago kapitalismo eta katolizismo boteretsuarenarekin"

2019-07-11
Emakumeak eta Hiria Foroak urte ugari daramatza hiria genero ikuspegitik lantzen, eta gabezia hori grafikoki irudikatu dute mapa interaktibo batean. Lan horretan ibili dira Foroko Maialen Ruiz de Prada eta Ana Txurruka. Ana Txurruka elkarrizketatu dugu.
Euskal Herriko kale antzerkiz beteko dira Bilboko kaleak Aste Nagusian

2019-07-11
Bilboko Aste Nagusiko kaleko antzerki emanaldiak aurkeztu ditu Itziar Urtasun Bilboko Udaleko jaietako zinegotziak. Abuztuaren 18tik 25era arte 18 ikuskizun antolatu ditu udalak, eta nazioarteko artista zein konpainia euskaldunek eskainiko dituzte ikuskizunak. Erdia baino gehiago euskal konpainiak dira: hemezortzitik hamar, hain zuzen ere.
Gorka Urbizu: "Berri Txarrak-en ondorengo bizitza nolakoa izango den jakitea, nire buruari jarri beharreko ariketa bat da"

2019-07-11
Inor ez kanpoan uzteko lagun arteko emanaldia emango du Berri Txarrak-ek uztailaren 14an Bilbon. Azarorako iragarri duten etenaldi mugagabearen aurretik, taldea "Ikusi Arte" biran murgilduta dago eta Kobetamendin milaka pertsonen aurreko kontzertu gogoangarria eskainiko dutela aurreikusten da. Egun batzuk lehenago, Hamaika Telebistak Gorka Urbizu elkarrizketatzeko aukera izan du. Honatx aurrerapena.
Uztaila eta abuzturako mobilizazioak iragarri ditu G7 EZ! plataformak

2019-07-10
Iazko azaroan sortu zen G7 gailurraren kontrako mugimendua eta ordutik hasi baino ez da egin. Horren adierazle izan da gaur goizean Irungo Ficoba erakustazokan G7 EZ plataformak egin duen agerraldia. Egun plataforma osatzen duten 49 elkarte, sindikatu eta mugimendu politikoetako ordezkariek «atxikimendu gehiago biltzeko asmoa» dutela iragarri dute, «ez soilik Euskal Herrian, baita Estatu frantsesean eta mundu mailan ere».Gailurrak suposatuko duen diru xahuketa «gehiegizkoa» eta okupazio poliziala ere gaitzetsi dituzte, eta zentzu horretan, hiritarrak haien desadostasuna agertzera deitu dituzte. Uztailaren 13an egingo dute lehen mobilizazio esanguratsua Biarritzen. Bigarren mobilizazio garrantzitsua abuztuaren 19 eta 23 bitartean gauzatuko da Hendaia eta Irun artean, hain zuzen ere G7 gailurra egin aurretiko egunetan. Eremu desberdinetan antolatuko dituzten ekimen anitzekin «Alternatiben lurraldea» irudikatuko dute. Abuztuaren 21, 22, eta 23an, Irunen eta Hendaian ekimen desberdinak izango dira, hala nola, hitzaldiak, ekitaldi kulturalak, merkatu sustatzaileak, eta abar. Abuztuaren 24ean, G7 gailurra hasten den egunean, Manifestazioa izango da Hendaian. Goizeko 11:30etan Abuztuaren 25ean, ostera, «desobedinetzia zibil masiboa» egiteko deia luzatu dute. Horrela, Angelu, Baiona eta Biarritzeko zazpi eremutan, «kolore anitzeko» guneak eraikiko dituzte.
 
bannerra

bannerra