Skip to main content
bannerra

Gurean Gaur

42.000 lagun Donostian, Kataluniari babesa adieraziz

2019-10-21
42.000 pertsona elkartu ziren larunbatean Donostian, Kataluniako buruzagi independentisten aurkako epaia salatzeko. ‘Erreferenduma ez da delitua’ lelopean Katalunia eta Euskal Herriko herritarrek, erabakitzeko duten oinarrizko eskubideak defendatu ziren Gipuzkoako hiriburuko kaleetan zehar.
'Brexit'-erako plana "kosta ala kosta" gauzatuko duela adierazi du Johnsonek

2019-10-21
Urriaren 31 da Erresuma Batua Europar Batasunetik ateratzeko zehaztutako data. Komunen Ganberak legeari egindako “Letwin” zuzenketa deiturikoa onartu du, zeinak, Bruselaren eta Londresen akordioa etenda uzten duen, Brexit-aren atzerapena behartzen duen legea aktibatuz. Hillary Benn-ek proposatutako lege honek Johnson behartzen du Europar Batasunari karta bat bidaltzera, luzapen bat eskatuz, hilaren 19rako akordio bat ez bada lortu. Ondorioz, Bruselan hiru karta jaso dituzte. Lehena, Londrestik bidalita eta sinatu gabe, hiru hilabeteko atzerapena eskatuz. Bigarrena, Johnsonena, atzerapen hori nahi ez duela esanaz. Eta hirugarrena, Tim Barrowrena, Europar Batasuneko ordezkari britainiarrarena, esanaz, atzerapena eskatu dela soilik, legea betetzeko.
Bigarren itzulian erabaki daiteke Morales izango den Boliviako presidentea

2019-10-21
Bozken %89,62a zenbatuta, egungo Boliviako buru den Evo Moralesek %45,28a lortu du. Aldiz, Carlos Mesaren alderdiak, %38,16a. Momentuz, mendi inguruetako bozkak kontatzea falta da. Zenbaketa horrekin bigarren itzulia saihestea espero du Moralesek, inguru horietan babes handia baitu. Bigarren itzulirik ez egiteko, Moralesek botoen erdiak eskuratu behar ditu, eta, gainera, 10 punturen aldea atera behar dio bigarrenari.
Milaka pertsona Donostian, Kataluniako buruzagi independentisten aurkako epaia salatzeko

2019-10-19
Gure Esku-k deituta, manifestazio jendetsua egin dute Donostian Kataluniako prozesu independentistaren aurkako epaia salatzeko. Bertan izan dira, besteak beste, EAJko Joseba Egibar eta Ahal Dugu-ko Lander Martinez.
Tentsioa Bilbon, hainbat lagunek Sabino Kalea itxi ondoren

2019-10-18
Tentsio handia izan da gaur arratsaldean Bilbon, Sabino Arana etorbideko sarbidean. Hainbat lagunek bidea trabatu dute Kataluniako mobilizazioekiko elkartasunez, eta Ertzaintzak indarrez atera ditu handik. Ertzainek hainbat lagun atxiki dituzte identifikatzeko, eta borrak eta foam balak erabili dituzte.
Ernaik protestak egin ditu Bilbon, Gasteizen eta Donostian, Kataluniaren alde

2019-10-18
Ernaiko 50 bat gaztek protesta egin dute gau Bilboko Plaza Biribileko banketxe baten aurrean. Eskuak lotuta, banketxerako sarrera oztopatu dute, Kataluniaren aldeko eta Espainiar Estatuaren kontrako aldarriak kantatzen zituzten bitartean. Minutu gutxitan Ertzaintzaren zazpi furgona gerturatu dira, bertan zeuden gazteak inguratuz. Banaka gazte guztiak identifikatu dituzte, bai eta motxilak arakatu ere. Tentsio momentu gutxi batzuk egon dira, tartean, gazte batzuk arrastaka atera dituztenean. Elkartasun keinuak ugariak izan dira, ingurutik pasatzen zen jendearen txaloak eta elkartasun adierazpenak, adibidez. Altsasuko gazteen aldeko ohiuak ere presente egon dira.
 
bannerra

bannerra