Skip to main content

EHIGE

Lurdes Imaz: "Prest gaude LOMCE legea ez aplikatzeko baina Jaurlaritzaren babesa behar dugu"

2013-10-09

Gurean Gaur saioaren elkarrizketa atalean, Lurdes Imaz Euskal Herriko Ikasleen Gurasoen Elkarteko ordezkariarekin hitz egin dugu LOMCE legearen inguruan. LOMCE edo Wert legea ikastetxeetan ez aplikatzeko prest daudela baieztatu zuen, hori bai, horretarako eragile guztien babesa beharko zuten baita Eusko Jaurlaritzarena ere.

EHIGE eta HEIZE elkarteek salatu dute Hezkuntza Sailak murrizketak egingo dituela adierazten duten ebidentziak daudela

2020-06-24
EHIGE eta HEIZE elkarteek Hezkuntza Sailak murrizketak ezarriko dituela adierazi dute. Ikastetxe publikoen zuzendarien eta familien elkarteek argudiatu dutenez, Lakuari egindako eskarien erantzunetan antzeman dute murrizketak egingo dituzten ebidentziak, eta, kritikatu dute Hezkuntza Sailak ez diela jaramonik egiten eskola komunitatearen eskariei.
EHIGEk Euskal Eskola Publikoaz Harro! kanpainaren bideoa aurkeztu du

2020-06-17
Euskal Herriko ikasleen eta gurasoen elkarteak kanpainaren bideoa aurkeztu du eta alderdi politikoei eskola publikoarekiko duten jarrera azaltzeko eskatu die.
Ikasleen itzuleran galderak dira nagusi

2020-05-12
6 eta 10 urte bitarteko haurrak eskolara itzultzen hasi dira Ipar Euskal Herrian geletara, baldintza zorrotzekin. Eusko Jaurlaritzak zentro bakoitzaren esku utzi du maiatzaren 18an maila sentikorrenak bueltatzeko erabakia. Gaiaren ertz batzuk landu ditugu Seaskako lehendakari Peio Jorajuriarekin eta Euskal Herriko Ikasleen Gurasoen Elkarteko Lurdes Imazekin.
Eskola Publikoa ardatz duen festa

2018-07-18
Euskal Herriko Ikasleen Gurasoen Elkarteak antolatzen du 1994tik ospatzen den jai hau ikastetxe publiko desberdinekin elkarlanean. Eskola publikoak hezkuntza sistemaren ardatza izan behar duela aldarrikatzen dute urtero antolatzaileek. Horrelako festa Errenterian antolatzea ohore bat dela adierazi du Julen Mendozak, eta etorkizuneko erronkei erantzuna emateko hezkuntzaren aldeko apustua egin behar dela azpimarratu du. Maialen Oliveri, Koldo Mitxelena eskola publikoko amak, Errenteriaren nortasuna eta aniztasuna islatzeko aukeratutako irudiaren eta leloaren zergatiak azaldu ditu. Lurdes Imaz, Euskal Herriko Gurasoen Elkarteko koordinatzaileak, urteak aurrera joan ahala jaia nola handitu den kontatu du, eta eskola publikoaren festaren helburura zein den azaldu du. Garazi Lopez de Etxezarreta, Hezkuntza zinegotziak eta Leire Zarra, Koldo Mitxelena eskola publikoko zuzendariak ere parte hartu dute aurkezpenean. Guztiek azpimarratu dute horrelako ekimenen beharra eta hurrengo urteko ekainaren 2an festara joateko gonbidapena zabaldu dute.
Zapran sentitu da Lekeitio herria, euskal eskola publikoaren jaia ospatzean

2018-06-04

Zapran sentitu da lekeitio herria, euskal eskola publikoaren 27. Jaia ospatzean, horren isla izan da domekan antolatutako ekimen desberdinak.  Euskaldunak, parte hartzaileak, berritzaileak  eta denontzako, euskal eskola publikoaren filosofiarekin bat eginez.

Jai giroan bada ere, aldarrikapenak egiteko tartea egon da, EHIGEtik erakunde publikoeieskatu dute  euskal eskola publikoa hastera lagun dezaten eta  hezkuntza sistemaren ardatz bihur dezaten esukal eskol apublikoa.

 
bannerra

bannerra