Skip to main content
bannerra

Albisteak

Politika antisozialak aztertu dituzte EHUko paraninfoan

2014-03-03

Bilbon burutzen ari den foro ekonomikoaren harira Ehu-ko paraninfoan troikak aplikatzen ari den  politika antisozialetan duten erantzukizuna aztertu dituzte. Mertxe Larrañaga ekonomialariak doikuntza politikak izan ditu hizpide eta horiek jendartean izaten ari den eragina. Bizi dugun krisia ez dela berria eta krisia ekonomikoa baino krisi zabalagoa da. Finantzetan hasitako krisiari aurre egiteko aplikatutako neurriak egoera asko aldatu dute.

Mugi txartelaren urtebeteko balorazio ona egin eta erronka berriak iragarri dituzte

2014-03-03

Mugi txartela duela urtebete sortu zen. Ordutik, geroz eta gehiago dira garapen teknologiko honen parte izan nahi duten herriak. Aurtengo erronka nagusia Renfe-ren guztizko batura izango da. Horrek, aldaketa nabaria suposatuko du tarifei dagokienez, hauek nabarmen jaitsiko dira eta. Beraz lehenengo urtearen balorazioa positiboa egin du Gipuzkoako Foru Aldundiak, eta garraio publikoaren indartzea arrakastatsua izan dela nabarmendu dute.

Ibilaldia egunez aldatzea ez dela kapritxoa izan argitu du Tellituk

2014-02-28

Gernikan ospatuko den Ibilaldiaren data aldaketak sortutako polemika baretzeko agerraldia egin du Ikastolen Elkateak. Ibilaldia astebete atzeratzeak Eskola Publikoaren jaiarekin bat egitea eragin du eta azken egunetan asko izan dira erabaki honen kontra altxatu diren ahotsak. Koldo Tellitu Ikastolen Elkarteko zuzendariak erabakia behartuta aldatu dutela azaldu du, hasiera batean erabakitako egunean, maiatzaren 25ean, Europako hauteskundeak ospatuko baitira.

Argindarraren prezioa orduz ordu kalkulatuko da

2014-02-28

Espainiako Gobernuak argiaren tarifa arautua kalkulatzeko proposatzen duen sistema berrian ez da hiru hilabeteko enkanterik egingo. Enkantearen garaia amaituta, merkaturen gora beherena iritsiko da Hegoaldeko argindarraren prezioetara. Herritarrek une oro merkatuan dagoen prezioa ordaindu beharko dute.

Doctor Deseok orain arte lortu ez duen intentsitatez beteriko lan berria kaleratu du

2014-02-27

Doctor Deseok diska-liburu berria aurkeztu du Bilboko Kafe Antzokian. Musikariek beraiek adierazi duten bezala, orain arte taldeak lortu ez duen intentsitatea du lan berriak. "Busco en tus labios lo mejor del deseo" izenarekin liburu itxura duen DVD eta CD bilduma kaleratu dute. Diskaren singela "Busco en tus labios" abestia da, orain dela 25 bat urte sortu zutena haien lehenengo diskarako. Oraingoan, taldeak esan duenaren arabera, abestiari aldaketa erradikala egin diote, beti ere ikuspegi garaikide eta ez nostalgiko batetik. Josik, taldeko baxuak azaldu duenez, abesti hori izango da biraren oinarria.

2020 arteko turismo plana aurkeztu dute

2014-02-26

Ekonomiaren Garapen eta Lehiakortasun sailburu Arantza Tapiak gaur goizean aurkeztu du Euskal Turismoaren Plan Estrategikoa, Eusko Jaurlaritzaren datozen urteetako garapen turistikoa gidatuko duena. Planaren osaketak izandako parte-hartze handia nabarmendu du Tapiak. Berrogeita lau erakunde publikok eta pribatuk parte hartu dutela azaldu du eta beraz gobernuarena bakarrik ez dela plana, herriarena baizik.

 
bannerra

bannerra