Skip to main content

Albisteak

Martxan da gazteentzako "Harrapazank" programa

2014-02-17

Gazteen artean euskararen erabilera bultzatzeko eta kultur eskaintza berritzeko, Bilboko Udalaren Euskara, Gazteria eta Kirol sailak abian jarri du Harrapazank programa. 9-18 urteko neska-mutilei zuzendutako jarduera berrien, erakargarrien eta gustagarrien bidez euskara Bilboko gazteen eguneroko hizkuntza, ohikoa eta irakaskuntzatik kanpokoa, bilakatu nahi da.

"Auzo eta Herriak Donostia Indartzen" ekimena abian da berriz ere

2014-02-17

Donostiako Udalak herritarren parte hartzea sustatzeko asmoz, martxan jarriko du berriz "Auzo eta Herriak Donostia Indartzen" ekimena. Auzoz auzo bilerak egingo dituzte herritarren beharrak zeintzuk diren antzemateko. Aurten, gainera, jarraipena egiteko web orrialde berezia sortu dute.

Kutxabank-en jokabide ankerra salatu dute IRPHaren kaltetuek Ada Colauen laguntzaz

2014-02-17

Ada Colau, militante ezaguna Donostian izan da IRPHa aplikatzeak kalteak eragin dizkietenei babesa erakusten. Kaleratzeak Stop plataformarekin batera, Kutxabank-en aurkako lehen epaiketaren atarian entitatearen jarrera "ankerra" salatu dute. Politika antisozial eta kriminalak aplikatzen dituela esan dute.

Greba eguna izan dute Lanbiden 200 langileren kaleratzeak salatzeko

2014-02-17

200 langileren kaleratzeak salatzeko Bilboko kaleak hartu dituzte lanbideko langileek. Salatu dutenez  Euskal Enplegu Zerbitzuak 200 bitarteko langile kaleratzeko asmoa du geroago horietako 150 inguru aldi baterako programen bitartez ordezkatzeko. Otsaileren 6ko Arloko Mahai bileran eman zuen horren berri Administrazioak. Dokumentu horren bidez  Administrazio publikoan eman behar diren konkurentzia eta aukera berdintasun, publizitate, meritu eta gaitasun baldintzak saihestu nahi dituela salatu dute sindikatuek. Hau dela eta, proposatutako lanpostuen zerrenda bertan behera uzeteko greba burutu dute.

 

Espainiako espetxeetako presoak Zaballako kartzelan biltzeko eskatuko du EPPK-k

2014-02-17

Euskal Preso Politikoen Kolektiboak Espainiako espetxeetan preso dauden presoak Zaballako kartzelara lekualdatzeko eskaerak jarriko ditu martxan. Frantziako presondegietan daudenek, berriz, Euskal Herritik gertuen dagoen kartzelan biltzea galdegingo dute. Egoeren eta kartzela urteen araberako sailkapen bat osatu du EPPK-k.

"Zazpi aldiz elur" ikuskizunak elurretara darama Laboa

2014-02-14

Mireia Gabilondo zuzendari, Tanttaka Teatroak "Zazpi aldiz elur" ikuskizuna aurkeztu du Donostian. Mikel Laboaren alde ezagun zein ezezagunak oholtza gainean jarriko ditu kantua, poesia eta antzerkia biltzen dituen lanak. Asteburu honetan Donostian emanaldia eskaini ostean, Euskal Herriko birari ekingo diote.

 
bannerra

bannerra