Marakana txikia

#Italia90 Mundu eta garai oso baten azken txapelketa

1990an Italian lehiatutako munduko txapelketa aztertuko dugu Alessandoro Rutarekin. Gerra Hotzaren testuinguru geopolitikoa irudikatu zuen azken munduko futbol txapelketa. Alemaniako Errepublika Federalak garaipena lortu zuen Argentinaren aurka lehiatutako finalean eta mundial horrek joko eskasa eta hainbat protagonista utzi zituen: "Vasco" Goycochea, Roger Milla, Gascoigne, Higuita edo Schillaci. Sobietar Batasuna, Txekoslobakia eta Yugoslabiaren azken txapelketa izan zen.

Michael Jordan eta Chicago Bulls mitikoen azken dantza aztertuz

Jordan eta bere Chicago Bulls-en azken dantza: 90ko hamarkadako talde ikonikoaren inguruko “The Last Dance” seriearen ertzak sakon aztertuko ditugu Alessandro Ruta, Koldo Tellitu eta Martxel Lopezekin. Hortaz gain, Athletic-eko atezain Amaia Peña eta Realeko entrenatzaile Natalia Arroyoren adierazpenak #MarakanaTxikia-n

Joxe Anjel Iribar, konpromisoaren ikur

40 urte bete dira Joxe Anjel Iribar handiak erretiroa hartu zuenetik; 1980ko maiatzaren 31ean, San Mamesen jasotako omenalditik eratorritako dirua euskarazko lehen kirol hiztegia osatzeko eman zuen zarauztarrak. Bere figura, hiztegi hori sortzeko, UZEIko lantaldearekin batera, Iñaki Elorzarekin hitz egiteaz gain, konpromisoaren inguruko ertzak aztertu ditugu Patxi Xabier Fernandezekin batera.

Bundesliga, itzultzeko prest dagoen lehen Liga handia

Alemaniako gobernuak argi berdea emanez gero, Bundesliga maiatzaren 9an itzuliko da. Hori bai, ateak itxita. Talde gehienak hiru aste atzera lanean hasi ziren eta orain denboraldia bukatzeko prest daude. Marakana Txikian, Covid 19 gaitzak eragindako izurritearen aurretik bizitakoaren laburpena egin du Beñat Zarrabeitia lankideak. Kirol alorra eta atmosfera sozialaren ingurukoak arakatu ditu.
hamaika telebista

Image