Duela urte batzuk hainbat gaztetxe loratu ziren Iruñerrian: Maravillas, Errotxapeakoa, Burlatakoa, Zizurkoa... Horiek guztiak itxiarazi, desalojatu edo eraitsi egin zituzten eta Iruñea "nahiko umezurtz" gelditu zen. 2025eko urriaren 25ean, baina, Haustura Txantreako gazte langileen asanbladak Maiatzak 1 gaztetxea okupatu zuen, gaztetxeen segida horri lekukoa hartzeko asmoz. 

Urko Larumbe eta Unai Larrion bertako kideekin hitz egin dugu gunearen okupazioaz, orain arte martxan jarri dituzten ekimenez eta etorkizuneko asmoez.