Minutu batean

Sigfrido Koch argazkilariaren ‘Kearen eta lanbroaren artean’ lana ikusgai San Telmon

Kearen eta lanbroaren artean. Horrela deitzen da San Telmon dagoen Sigfrido Koch Bengoechearen argazki-erakusketa. Esposizioak 150 argazki biltzen ditu, bi gaitan egituratuta. Lehenak "gerrako albuma" du ardatz. Euskal Herrian egindako bonbardaketen ondorioak ikusi daitezke, besteak beste. Bigarrenak, berriz, País Vasco: Guipúzcoa liburuan argitaratutako argazki bukolikoak ditu ardatz. Hala nola, tradizioak, giza motak, dantzariak, pilotariak, segalariak eta baserritarrak irudikatzen ditu. Herri batzuen argazkiak ere nabarmentzen dira, interes artistikoagatik. Sigfrido Kochen lana ikusgai izango da San Telmo museoan maiatzaren 23ra arte.

Abortatzea eskubidea dela oihukatzen

2010ean borroka asko egin eta gero, abortua legeztatzea lortu zen. Gaur egun, ordea, abortuaren aurkako hainbat pertsona berriro itzuli dira Easo kaleko Askabide klinikaren aurrean berrogeialdia egitera; otsailaren 15an hasi eta apirilaren 5erarte egongo dira. Horren aurrean Amarako mugimendu feministako kideak egunero jarriko dira beraien parean arratsaldeko 18:00etik aurrean emakumeen eskubideak defendatzeko.

Lehen aldiz, Wall Streeten merkaturatu dira uraren etorkizunerako inbertsioak.

Lehen aldiz, Wall Streeten merkaturatu dira uraren etorkizunerako inbertsioak, eta honek zarata handia sortu du. Kalifornian uraren eskasiak ekarri du erabaki hori, eta uraren prezioekin espekulatzeari atea ireki diezaioke egoera honek. Ura gero eta baliabide urriagoa da, eta klima larrialdiak eskasia hori areagotu besterik ez du egingo. IPCCren iritziz, %10-30 gutxituko dira baliabide hidrikoak erdiko eta beheko latitudeetan hurrengo hamarkadetan. Ura etorkizuneko petrolioa dela diote aditu askok, baina petroliorik gabe bizi daiteke; urik gabe, berriz, ez.

hamaika telebista

11 laguntzaile

Image