Analisia

Markel Ormazabal: 'Kamiseta edo pegatina bat nahikoa zen zu epaitzeko, erabateko jazarpena zen'

20 urte dira gazte antolakundeen ilegalizazio garaia hasi zenetik. Ordutik, independentismoarekin behin betiko amaitzeko estrategia oso bat gorpuztu zuen Espainiak. Gainera, jazarpen horren ondorioz, hainbat kide atxilotu eta torturatu zituzten, baina, egun, oraindik, Estatuak ez ditu torturatutako milaka kideen kasuak errekonozitu, ez erantzukizunik aitortu.

Kima Arzuaga, 'Bi arnas': 'Iratxe Sorzabalek bizitakoa salatzea du helburu nagusi dokumentalak'

Iratxe Sorzabalek atzo hasi zuen Auzitegi Nazionalean epaiketa. Torturapean, bere burua errunduntzat jo zuela adierazi du Sorzabalek. Imanol Arzuaga 'Kima' Iratxeren lagunak, bere babes guztia adierazi dio lagun eta gertuko guztien izenean, Iratxeren askatasuna aldarrikatuz. Dokumentalaren helburu nagusietako bat, Iratxe Sorzabali elkartasuna erakutsi eta torturatuen bozgorailu izan eta salaketa egitea dela azaldu du 'Kima'k.

Joseba Alvarez, LAB sindikatua: 'Laudion gertatutakoa euskal komunitatearen eta elkarbizitzaren kontrako neurri bat da'

Gasteizko epaile batek arrazoia eman dio hizkuntza eskakizuna ez betetzeagatik Laudioko Udalean lanpostua galdu zuen langile ohi bati, eta udal horri agindu dio langilea berriro har dezala, lehen zuen lanpostuan edo antzeko batean. Epaileak ebatzi zuen udalak "diskriminatu" egin zuela langilea, kontuan ez hartzeagatik euskararen zailtasun maila. LAB sindikatuaren ustez, euskal hiztunen aurkako erasoa da, "erabaki larria da, euskal komunitatearen kontrako neurria da, elkarbizitzaren kontrakoa" azpimarratu du, eta hala, legeen inguruko interpretazioen "inboluzio" bat ematen ari dela.

Ostalaritza ‘emeki hiltzen’ ari direla salatu dute hainbat tabernarik

Bi urte daramatza pandemiak gora eta behera eta, nahitaez, COVID 19ak protagonista izaten jarraitzen du. Horrekin batera, neurriak ere etengabe ari dira aldatzen eta guzti horrek, sektore askori egin dio mina, tartean ostalaritzari. Txema Carbajo, ostalaria eta Bizkaiko Tabernariak plataformako kidea izan da "Gakoak" saioan. Bere ustez, ostalaritza izan da argi eta garbi, sektore kaltetuenetariko bat, "pandemia osoan ostalaritza hartu dute kalte guztien erruduntzat".

Bestalde, Nafarroako Gobernuak sektorea 'emeki hiltzen' ari dela salatu du Nafarroako Ostalari Txikien Elkarteak Iruñean. Kanpaina bat hasi dute 'Killing Me Softly with His Song' protesta abesti gisa bihurtuta. Izan ere, Nafarroako Gobernuak murrizketak ezarri die taberna eta jatetxeei otsailaren 14ra arte, gutxienez.

hamaika telebista

11 laguntzaile

Image