Artekale

'Euskal andre langileak' liburua prestatzen ari da Oiane Valero historialaria

Dagoeneko aurkezpen batzuk egin ditu eta obra udaberrian zehar eskuragarri egongo da. Aitzinako erregimenetik kapitalismorako trantsizioan, euskal emakumeek izandako bilakaera aztertu nahi izan du, andrazkoek pairatutako zapalkuntza hirukoitza azpimarratuz. Liburuaren inguruko aurkezpenak, Bilboko Alde Zaharreko Etxebarrieta Memoria Elkarteak antolatutako "Begirada bat askatasunera" zikloaren baitan kokatzen dira. Emakumeak, langileak, euskara eta oroimena lotzen dituen ekimenaren baitan hain zuzen ere".

Arteari ateak irekitzeko, Arteak Ireki plataforma

Eusko Jaurlaritzaren dekretu berriak urtean hamabira mugatu nahi ditu formato txikiko areto eta tabernek antolatu dezaketen emanaldi kopurua. Horren aurka, Arteak Ireki plataforma eratu zuten hainbat kulturgile eta programatzailek eta kulturaren munduan sortu dituen erantzunak biltzen ditu aste honetako saioak.

Juanmi Gutierrez zinegilea zendu da 73 urte zituela

Dokumentalgintzan espezializatua, dozenaka lan burutu ditu Errenteriako zinegileak. Beti gai sozialei helduta, laburmetrai zein lan luzeetan, "ezezagunak diren errealitateei ateak irekitzeko" helburuaz aritu da Gutierrez, bere hitzetan. Euskal zinemaren komunitateak doluminak agertu dizkio familiari eta azken egurra eman nahi izan diote, besteak beste, bere ikasle izan zen Jon Garañok edota Zinemaldiko zuzendari Jose Luis Rebordinosek.

'Another day of life' eta Zinegoak 16

Zinema izango da protagonista nagusia gaurko saioan. 'Another day of life' animazioko filma zinema aretoetara itzuli da Goya saria irabazi ostean. Bestalde, Zinegoak Bilboko GayLesbiTrans zinema eta arte eszenikoen nazioarteko jaialdiaren 16. edizioa izango dugu hizpide. Korrika kulturalaren aurkezpena eta Hilbeltza literatura bekaren lehen irabazlearen obra, 'Kezko bola batek itota birikak'.

Nola irudikatzen zen 2019 urtea duela 37 urte?

2019an kokatu zuen Riddley Scott zuzendariak Blade Runner filma 1982an. Orduan etorkizuna zena hemen da dagoeneko eta Mikel Abadia zientzialariarekin elkartu gara Scott-ek zenbateraino asmatu zuen jakiteko asmoz. Bestetik, 40 Minutu Rock jaialdiaren bosgarren edizioaren inguruan egin dugu berba Haritz Petralanda antolakuntzako kidearekin.

Bosgarren edizioa du aurten 40 Minutu Rock jaialdiak

Durangoko Landako gunean ospatuko da urtero bezala, baina zifra borobila dela baliatuta egitarau berezia prestatu dute antolatzaileek. Lehenengo aldiz bi egun hartuko ditu, otsailaren 22 eta 23. Helburua, gazteetntzako jai giroaz harago doan jaialdia dela frogatzea da eta horretarako, umeentzako zein helduentzako jarduerak prestatu dituzte ostiralean, hilak 22.
hamaika telebista

Image