Gotzon Barandiaran idazle eta kulturgilea izango dugu gaurko saioko protagonista. Pandemiak sorkuntzan izan duen eraginaz, sektorearen egoera emozional zein ekonomikoaz eta beste hainbat gaiez hausnartu dugu sakon eta zabal. Hausnarketa horiek eta gehiago partekatu ditu idazleak gurean baina ez da, noski, aste honetan saioak dakarren bakarra.

Azaroaren 10ean Arriaga antzokian estreinatuko dute "Ez dok ero", Tartean teatro konpainiaren baitako "EzDok3" lan lerroko azken emaitza. Euskal kulturaz eta euren buruaz barre egingo dute antzezlan honetan Patxo Telleriak eta Mikel Martinezek.

Patxo Telleria da aste honetako protagonista Artekalen. 'Ez dok ero' antzezlan berria estreinatuko du EzDok3 kolektiboak Arriaga antzokian azaroaren 10ean. Halaber, Zinebi eta Zinetika jaialdiaen eta Donostiako fantasiazko eta beldurrezko zinemaren astearen berri ere emango dizuegu.

Bere hirugarren singlea kaleratu berritan egin dugu Kai Nakai abeslariarekin hitzordua. Reggaetoia, euskara eta feminismoa oinarri dituen proiektua sortu du Iratxe Aguilera gasteiztarrak iazko Durangoko Azokaren sormen bekak lagunduta. Aurki diskoa emango du argitara eta zuzeneko ikusgarria prestatzen dabil ere, Fruizeko Gaua estudioan.

Kai Nakai abeslaria da aste honetako protagonista, Aste hoentan kaleratu du artista gasteiztarrak bere hirugarren single-a, "Ez dakit". Gainera, beste gai anitz jaso ditugu kultur arloko berrien errepasoa egiteko.

Inoiz baino kalekoagoa da aurtengo GetxoPhoto jaialdia. Kalera! Aukeratu dute aurtengo lelo eta espazio publikoa denona dela aldarrikatu nahi izan du antolakuntzak.

Plateruena aretoaren itxierak eta Quino marrazkigilearen heriotzak kolpatu dute kultutgintza aste honetan, baina denak ez dira albiste txarrak. Loraldia jaialdiak udazkenean berreskuratu du martxoak eskaini behar zuen programazioa eta ArteDrama Euskal Laborategiak ere 15 urtez Aulestin antolatutako jardunaldiak garatu ahal izan ditu aurten ere.

#Inktober erronkan hartzen du parte Calvarrok urtero. Urriko egun bakoitzeko kontzeptu baten inguruko marrazki bana partekatzera gonbidatzen ditu erronka horrek eta arista grafikoen lana goraipatzeko balio dio munduko milaka sortzaileri.

Egunotan uholde bat bezala hartuko ditu sareak #Inktober traolak eta horren atzean, milaka marrazkigile eta diseinatzaileren lanak partekatuko dira, urriaren lehenengotik 31ra bitartean. Jake Parker artista grafikoak sortu eta bultzatutako erronkak arrakasta izugarria lortu du mundu osoan eta hainbat euskal artistak ere hartzen dute parte urtero.