Etxean itxita geundenean, autoak, hegazkinak eta trenak gelditu zirenean, edota langileak itx izirenean, animaliak ikusi genituen hirietan paseatzen. Kutsadura ere nabarmen jaitsi zen; karbono dioxidoaren isuriak, esate baterako, %17 murriztu ziren iazko apirilean.
Une batez gelditu egin zen gure kontsumismo eroaren zirkulua, eta naturari arnasa hartzeko aukera txiki bat eman genion. Berehala berreskuratu ditugu, ordea, jokabide txarrak: kutsatze tasa guztiak erraz gainditu ditugu, eta erabilera bakarreko plastikoak zein musukoak nonnahi ikusten ditugu.
Pandemiak zein eragin izan du ingumenean? Lorea Flores Greenpeace-ko kidearekin elkartu gara galdera horri erantzuteko Altxa Burua saioaren lehen atalean.