Bost urtez luzatu den prozesu judizial baten ondoren, Espainiako Auzitegi Gorenak lau urteko espetxe zigorra berretsi die Galder Barbadori eta Aitor Zelaiarik. Ankerkeriari STOP! plataformak eman du ezagutzera epaia. Oztopo guztien gainetik, mobilizazioak egingo dituztela iragarri du plataformak.

Duela ia 30 urte jaio zen Irati, Juan Luis Landa marrazkilariaren eskutik. Pertsonaiaren istorioak jarraipena izan zuen lehen albumaren ondotik, irudigilearen eskuei Joxean Muñoz gidoilariarenak batu zitzaizkionean. Duela gutxi, pertsonaia biziberritu egin da, Paul Urkijoren izen bereko filmari esker. Eta pelikulak oinarrian duen komikia berrargitaratu egin du orain Erein argitaletxeak. Joxean Muñozekin hitz egin dugu 'Irati' komikiaren eta filmaren inguruan.

2021an Lapurdiko herrian etxe baten okupazioan parte hartzea leporatzen diote gazteari. 8.000 euroko kalte ordainak eskatzen ditu jabearen abokatuak. Prokuradoreak 600 euroko isuna eskatu du auzipetuarentzat. Auzia hasi baino lehen, Ttattola gaztetzeak deituta, ehun bat pertsonek elkarretaratzea egin dute auzitegiaren aurrean.

Okupazioa kolektiboki egin zutela oroitarazi dute gazteek. Era berean, okupazioa “zilegi” dela defendatu dute. 2021ean okupatutako etxeak hamar urte zeramatzan hutsik eta egun ere, hala dagoela adierazi dute. Okupazioaren ondoren, Hazparneko Herriko Etxeak obretan dagoen gaztetxea eskuratzeko proposamena luzatu zien gazteei.