Hiriburuko apartahotel batean agertu zen emakumearen gorpua indarkeria zantzuekin. Arratsaldean, Guardia zibilak Zaragozan atxilotu zuen ustezko hiltzailea. Ertzaintzak urtarriletik zekien emakumearen bikotekide ohiak urruntze agindua urratzen zuela.
Hauteskunde emaitzak jada zenbatuta, aldaketa batzuk izan dira hainbat udalerritan. Esaterako, Tolosan EH Bilduk irabazi du; azken zortzi urteetan EAJ egon da. Koalizio abertzaleak gehiengo osoa lortu du. Hamazazpitik bederatzi zinegotzi eskuratu ditu. EAJri kendu dizkio irabazitako eserlekuak. PSE-EEK egun duenari eutsiko dio. Andu Martinez de Rituerto Tolosako EH Bilduren alkategaiarekin izan gara.
Jendeak ba al daki nor den nor? Zein den zein? Jokoa dirudi honek, baina egia “berdaderoa” da. Euskal metropolia adibide garbia da horretan.
EH Bilduk aurrea hartu dio EAJri Gipuzkoan. Maddalen Iriartek irabazi ditu bozkak, 22 eserleku eskuratuta Batzar Nagusietan, 2019an baino bost batzarkide gehiago. Ezker abertzaleko koalizioak botoen % 36,64 eskuratu ditu; horrenbestez, hobetu egin ditu 2011ko datuak.Bigarren lekuan, botoen % 32,64rekin, EAJ geratu da. Eider Mendoza jeltzalearen hautagaitzak 17 eserleku eskuratu ditu, orain lau urte baino hiru gutxiago. Gipuzkoako eta Donostiako analisia Iraia Oiarzabal Garako kazetariak egin digu.
Espainiako Gobernuko presidente Pedro Sanchezek aurreratu egin ditu udazkenean egitekoak zituzten Gorteetarako hauteskundeak. Uztailaren 23an egingo dira. Sanchezen iragarpenak zur eta lur utzi du EAJk Kongresuan duen bozeramaile Aitor Esteban, hauteskundeen aurrerapena "justifikaezintzat" jo baitu.
Arnaldo Otegik EH Bilduko koordinatzaile nagusiak argitu du EH Bilduk "eskuinari ateak itxiko" dizkiola leku guztietan. Geroa Bairen Nafarroako Gobernuko hautagai Uxue Barkos beldur da Sanchezen iragarpenak ez ote duen Foru Gobernuaren osaketarako negoziazioetan eraginik izango.
UPNk irabazi ditu Nafarroako Parlamentuko hauteskundeak maiatzaren 28 honetan. Javier Esparza buru duen zerrendak botoen % 28 eta 15 eserleku lortu ditu. Duela lau urte, alderdi erregionalista koalizioan aurkeztu zen PP eta Ciudadanosekin batera, eta 20 parlamentari eskuratu zituzten hiruren artean. Bigarren indarra PSN izan da foru hauteskundeetan. Maria Chivite buru duen alderdiak bozen % 21 eta 11 ordezkari lortu ditu. Horren inguruan hitz egiteko Ion Orzaiz Berriako kazetariarekin egon gara.
Igandean agerraldi masibo bat antolatu dute Amurrion, eta mobilizazio gehiago izango direla aurreratu dute. Bost urtez luzatu den prozesu judizial baten ondoren, pasa den astean Espainiako Auzitegi Gorenak lau urteko espetxe zigorra ezarri zien Barbadori eta Zelaiari. Sententzia “noiz betearaziko duten zain” daudela azaldu du plataformak.
Ankerkeriari Stop plataformak adierazi du “ulergaitza” dela 2023. urtean “horrelako eraso bati” aurre egin behar izatea. Agerraldira gerturatzeko deia luzatu die plataformak Euskal Herri osoko norbanako eta eragile politiko, sindikal eta sozialei.
