Image
BABESTU HAMAIKA TELEBISTA

ZUZENEAN

Nortzuk gara

MISIOA

Euskal komunitateari zerbitzua eskaintzen dion hedabidea gara, komunikazio talde ezberdinek sustatuta. Euskarazko ikus entzunezkoak ekoitzi eta hedatzen ditugu euskarazko komunikazio esparrua sustatuz eta informazio aniztasuna bermatuz.

BISIOA

Euskarazko komunitate digitala ikus-entzunezkoekin osatuz, komunikazio esparru zabalean euskal nazioa egituratuko dugu konfiantzazko informazioa eskainiz.

BALOREAK

BALORE DINAMIKOAK
ANITZAK GARA. IZENEAN DARAMAGU ANIZTASUNA. 
Adin, sexu, pentsaera, gaitasun etab. desberdinak ditugun pertsonek osatzen dugu Hamaika Telebista, bakoitzak eskaini dezakeen onena besteekin partekatuz.
Zabaltasunez jokatzen dugu joera, ildo, iritzi eta pentsaera ezberdinak dituztenekiko. Pertsona bakoitza den bezala onartu eta errespetatzen dugu.
GERTUKOAK. ENTZUTEKO GERTU GAUDE.
Herritarrei zuzendutako egitasmoa da eta hauen parte-hartzea sustatuko dugu. Eskuragarriak gara, entzuten dugu eta gurekin harremanetan dagoen jendeari arreta osoa eskaintzen diogu. Hurbiltasuna daramagu zainetan. Gure harremanetarako kontaktuak beti eskuragarri daude (telefono zenbakiak, posta elektronikoak, sare sozialetako helbideak,….) eskura jartzen ditugu harreman zuzenak lantzeko.
FEMINISTAK. FEMINISMOA OINARRITZAT HARTUTA HARTZEN DITUGU ERABAKIAK.
Genero berdintasuna sustatuko dugu, edonon. Langileen kontratazioan aintzat hartzen da genero ikuspegia, ardura postuetan emakumeen presentzia bermatuz eta jende aurreko agerpenetan (aurkezleak, iritzi-emaileak, kolaboratzaileak…) emakume eta gizonen arteko oreka mantenduz Emakumeen parte hartzea sustatzen dugu beti.
BERRITZAILEAK. GIZARTEAREKIN BATERA EBOLUZIONATZEKO GOGOTSU.
Alor ezberdinetan, aldaketetara egokitzeko eta hobekuntzarako berezko joera dugun lan-taldea gara. Teknologian, edukien formatuetan, antolaketa eta enpresaren kudeaketan gizartearen eboluzioarekin batera aurrera egiten dugu.

PERTSONALITATEA

ERAGILEA
INDARTSUA
BERRITZAILEA
KOLABORATZAILEA
BIZIAK

ARKETIPOA:

Errebeldea:

Marka errebeldeak eskemak hausten ditu, konbentzionaletik ihes egin nahi du, hau da, normaltasunetik. Iraultza bat sortzeko eragiten du, edo, gutxienez, hausnarketa alternatibo bat.

Esploratzailea:

Arakatzaile arketipodun markak bitxiak eta urduriak dira berez, eta arriskuak hartzea eta abenturak bizitzea dakarren guztia maite dute. Libre sentitzen dira eta beti dute errutinatik irteteko indarra.

Rola:

Kide bat gara.

Lan-eremuan ezartzen diren harremanei garrantzia ematen dien pertsona da, eta giro ona sortzen saiatzen da. Rol mota honek talde bati ekartzen dizkion onurak izugarriak dira. Esan ohi denez, “ekipoa” egiten dute.

Hamaika Bilbo

Hamaika Bilbo

2.007an eratu zen Bilbo Handia Ikus-entzunezkoak S.A. Ibaizabal Elkartearen eta Hamaika Telebista Hedatzeko Taldearen eskutik. Eta urte berean eskuratu zuen LTDaren Bilbo inguruko lau barrutietako emisio lizentziak: Bilbo, Barakaldo, Getxo, eta Mungiako barrutietan hain zuzen. 2.009ko urte hasieratik 24 orduko emisioa eskaintzen du.

Hamaika Iruñea

Hamaika Iruñea

Hamaika Telebista Iruñerrian emititzen ari da 2.015az geroztik. 2018. urte bukaeran NAFAR IKUSENTZUNEZKOAK SA eratu zuen Hamaika Telebistak Nafarroan jarduteko eta berari eskualdatu zion Iruñerriarako Hamaika Telebista Hedatzeko Taldea SAk zuen LTD lizentzia.

Hamaika Donostia

Hamaika Donostia

2.007an eratu zen Donostialdeko Ikus-entzunezkoak S.A. Hamaika Telebista Hedatzeko Taldearen eskutik, eta urte berean eskuratu zuen LTDaren Donostialdea eta Buruntzaldeako emisio lizentzia. 2.010ean jarri genuen abian Hamaika Donostia Telebistaren emisioa.

Hamaika Gasteiz

Hamaika Gasteiz

Hamaika Telebistak Gasteizen du egoitza 2009. urteaz geroztik. Egoitzak berak, 2021eko abendutik du bere emisioa. Emisio propio honek, gaur egun, 24 orduko edukia du.

hamaika telebista

11 laguntzaile

Image