Mundua

All Stories

Dolors Bassa eta Carme Forcadell kartzelara itzuli dira bart, hirugarren gradua indargabetuta

Martxoan preso politikoei gertatu bezala, hirugarren gradua atzera bota die epaitegiak fiskaltzaren helegitea onartu ondoren. Bitartean, Gobernua osatzeko negoziaketak aurrera jarraitzen dute, momentuz, Junts per Catalunya Gobernuan sartzea "urrun" ikusten du, Laura Borràs-ek adierazi duenez. Izan ere, inbestidura akordioa ez ezik, legegintzaldi osorako akordioa bilatzen du Juntsek, eta ERC eta CUPen arteko akordioarekin ez dago ados. Negoziaketek zailtasun gehigarriak dituzte gainera, JxCat-en estrategiarekin desadostasunak agertu duen Jaume Alonso Cuevillas Parlamenteko mahaitik kendu berri baitu Borràs-ek, mahaia eratu eta hilabete eskasera. Maiatzaren hogeita seia baino lehen erabakiko da nork hartuko duen Cuevillasen tokia, inbestidura saiorako epea da hori ere.

Uztailerako Europa immunizatzeko behar beste dosi izango direla dio Bruselak

Uztail honetarako Europar Batasuna immunizatzeko behar beste dosi ziango ditugula ziurtatu du Thierry Breton Europar Batasuneko barne merkaturako komisarioak. Uztailaren 14ko data aipatu du, ez kasualitatez, telebista kate frantziar batean egindako elkarrizketan.

Arma nuklear gehiago gordeko dituela iragarri du Erresuma Batuak

Erresuma Batuak %40 baino gehiago areagotuko du gehienez ere eduki dezakeen ojiba nuklearren kopurua. Hala iragarri du Boris Johnson lehen ministroak. Hemendik aurrera Londresek gehienez ere 260 ojiba nuklear gorde ahal izango ditu, orain arte bere buruari ezarritako 180ko muga aise gaindituz.

Lau hilabetez luzatu diote atxiloaldia Jeanine Añez Bolibiako presidente ohiari

Lau hilabeteko behin behineko atxiloaldia ezarri die Boliviako justiziak Jeanin Añez, bertako presidente ohiari, Alvaro Coimbra justizia ministro ohiari eta Rodrigo Guzman energia ministro ohiari. Hirurei sedizio, terrorismo eta konspirazio delituak egozten dizkiete, 2019ko estatu kolpeagatik. Fiskaltzak behin behineko sei hilabeteko atxiloaldia eskatu zuen hirurentzat baina auzitegiak 4 hilabetekoa bakarrik ezarri die.

Europar Batasunetik at dabiltza txerto bila hainbat estatu

Austria eta Dinamarkak iragarri dute Israelekin elkarlanean jardungo dutela hemendik aurrera Covid-19aren aurkako txertoarekin zerikusia duten gaietan. Sebastian Kurz Austriako Kantzilerrak eman du albistearen berri. Ostiral honetan bilduko da Kurz Benjamin Netanyahu lehen ministro israeldarrarekin.

Austria eta Danimarka ez dira Brusela txertoaren banaketan egiten ari den kudeaketa kritikatu eta Batasunetik at txertoak euren kontura lortu nahian dabiltzan lehenengo estatuak. Atzo bertan Poloniak Txinari eskatu zizkion txertoak eta Eslobakiak Sputnik V txertoaren 2 milioi dosi erosi zizkion Errusiari. Horri igande honetan Hungariara iritsitako Sinopharm etxe txinatarraren txertoaren dosiak gehitu behar zaizkio.
hamaika telebista

Image