Mundua

All Stories

Garaipen historikoa lortu du Sinn Feinek Ipar Irlandan

Sinn Feinek irabazi ditu lehendabizikoz Ipar Irlandako bozak, eta alderdi unionistak apaldu egin dira. Unionisten 100 urteko nagusitasunarekin amaituz, garaipen historikoa izan da. Errepublikanoek 2017ko bozetako kopuru berari eutsi diote: 27 aulki. DUP alderdi unionista 25ekin geratu da, hiru galtzeraino.

Ane Irazabal: 'Alemaniak Errusiarekiko duen menpekotasun energetikoa nabarmen murriztu du'

Errusiak gas hornidura eten die Bulgaria eta Poloniari errubloetan ez ordaintzeagatik. Baina, bitartean, Europar Batasunak gasa errubloetan ez ordaintzeko eskatu du. Izan ere, EBren ustez, errubloetan ez ordaintzea Errusiari jarritako zigorren urraketa argia litzateke.

Alemaniak Errusiarekiko duen menpekotasun energetikoa nabarmen murriztu du. Ane Irazabal kazetariak 'Gurean Gaur' magazinean azaldu bezala, gerrak eztanda egin baino lehenago, Alemaniara inportatzen zen gasaren %55a Errusiatik zetorren; baina gerrak eztanda egin zuenean, eta zigor ekonomikoei buruz hitz egiten hasi zirenean, gasaren inportazioa nola dibertsifikatu zezaketen erabaki zuten.

Gauzak horrela, Qatarrrekin akordio bat sinatu dute gas likidotua lortzeko. Hala, gasa transformatzeko azpiegitura berriak egin behar izan dituzte. Berebat, azpimarratu du Ukrainako gerrak bat egin duela Alemaniako zentral nuklearren itxierarekin.

36 urte dira Txernobilgo zentral nuklearreko hondamendia gertatu zela

Gaur 36 urte, 1986ko apirilaren 26an, akats baten ondorioz, Ukrainako Txernobilgo zentral nuklearreko erreaktore atomikoetako bat lehertu zen, inoizko hondamendi nuklear zibil handiena eraginez. Hondamendiak zazpi milioi kaltetu eragin zituen. Era berean, lurrak eta urak kutsatuta jarraitzen du; oraindik ere agerikoak dira hondamendi haren ondorio erradioaktiboak.

Europako itsasoko ura ez da inoiz hain tenperatura altuetara iritsi 1993tik

Iragan astean, Lurraren Nazioarteko Egunean, Europako Copernicus zerbitzuak Europako klimaren gaineko txostena argitaratu zuen. Azken datuek erakusten dute gero eta ilunagoa dela klima larrialdiaren gaineko diagnostikoa: 2021a inoiz erregistraturiko urterik beroenetan bosgarrena izan da Europan. Ikusi ditzagun jarraian datu gehiago.
hamaika telebista

11 laguntzaile

Image