Italiak galarazi egingo du atzerriko GKEen ontziek Mediterraneoan salbatutako migranteak portuetan lehorreratzea, Matteo Salvini Italiako Barne ministroa izan zenean neurri horren egilea izan zen. Ostegun honetan iragarri du orain lau urte hartutako neurria atzera indarrean sartuko dela.

“Mezu bat gizakien trafikatzaileentzat eta beren konplizeentzat: eskuinaren hauteskunde programan esan genuen bezala, Italiak ez du toleratuko gehiago immigrazio klandestinoaren eta kontrolik gabeko porturatzeen negozioa”, idatzi du Salvinik Twitterreko bere kontuan.

Gaur egun, Libiaren parean ehunka etorkin erreskatatu dituzten bi ontzi humanitario daude: SOS Méditerranée gobernuz kanpoko erakundearen Ocean Viking eta SOS Humanity erakundearen Humanity One.

2018an, dekretua onartu zuenean, isunak ezarri zituen dekretuan jasotakoa betetzen ez zutenak zigortzeko. Horrela, hainbat ontzi lehorreratzea eragotzi zuen, horrek bi epaiketa ekarri zizkion, pertsonak bahitzea egotzita. Bat artxibatu egin zuten, baina beste bat martxan dago Palermon, 2019ko abuztuan 147 migrante lehorreratu baitziren Open Arms GKEaren ontzitik.