Brasilgo Auzitegi Gorenak Jair Bolsonaro presidente ohiaren ehunka jarraitzaileren kanpalekua husteko agindua eman dio herrialdeko Armadari astelehen honetan. Poliziak ordubeteko epea eman die manifestariei duela bi hilabete eratutako kanpamentutik erretiratzeko. CNN Brasilgo telebista kateak Poliziako iturriak aipatuz jakinarazi duenez, gutxienez 1.200 lagun atxilotu dituzte kanpamentua desegiteko operazioan.