Mundua

All Stories

Parlamentuaren gehiengoaren babesa mantenduko du Mexikon Lopez Obradorrek

Parlamentuan gehiengoaren babesa izaten jarraituko du Lopez Obrador Mexikoko presidenteak, atzoko hauteskundeetan bere alderdiak eta aliatuek lortutako emaitzei esker. Lurraldean inoiz egindako hauteskunderik handienak izan dira, parlamentuaz gain beste hainbat kargu ere hautatu baitituzte mexikarrek.

Argindarraren prezioaren igoeraren aurka protesta egin dute Bartzelonan

'Argindarraren prezioa igotzen da, amorrua itzultzen da' lelopean 200 lagun inguru bildu dira Bartzelonako Katalunia plazan.

Tarifa berriek argindarraren ordainagiria garestiagotuko duela uste dute manifestariek, eta elektrizitatea beharra dela aldarrikatu dute, ez luxua. Enpresa elektrikoen nazionalizazioa eskatu dute, besteak beste.

Netanyahu kargutik kentzeko akordioa erdietsi dute Israelen

Guztiak Netanyahuren kontra. Hala definitu daiteke Yair Lapid zentristak Netanyahuren 12 urteko agintaldiari amaiera emateko lortu duen akordioa. Aldez aurretik akordio berean bildu ahal izan zituen laboristak eta ultraeskuindarrak. Orain, Gobernu alternatiboa osatzeko falta zitzaizkion botoak eskuratu ditu Raam alderdi arabiarraren eskutik.

Mikel Ayestaran kazetariari egindako elkarrizketan aztertu dugu akordioa, eta baita Israelgo egoera politikoa ere.

Hauteskunde eguna dute gaur Sirian gerra oraindik amaitu ez bada ere

Hauteskunde eguna dute gaur Sirian. Bai behintzat Damaskoko gobernuak kontrolpean dituen eremuetan. Baxar Al Assad, egungo presidentea da irabazteko aukera gehien dituen hautagaia. Hala gertatuz gero, zazpi urteko laugarren legealdiari ekingo lioke Baath alderdiko buruak.

Auzitegi Gorenak indultoak ez ematea erabaki ondoren, Moncloak izango du azken hitza

Preso politikoen indultuari buruzko txostena argitaratu berri du Auzitegi Gorenak eta indultoak ez ematea ebatzi du. Hala ere, azken hitza izango du Pedro Sanchezek. Egunotan aurrekaririk gabeko mezua helarazi du. Dioenez, indultuen gaineko ebazpena “gorrotoan” ez dela oinarrituko, "adiskidetzan" baizik eta “etorkizunera begiratzea” eskatu du.
hamaika telebista

Image