Mundua

All Stories

BBCri emisio baimena ez berritzea erabaki du Txinak

BBCri emisio lizentzia kendu dio Txinako Gobernuak, Londresek aldez aurretik CGTNrekin gauza bera egin ondoren.

Txinako Irrati eta Telebistaren administrazio Nazionalak, Txinan hedabideak arautzen dituen erakundeak, bertan emititzeko baldintzak urratu izana leporatzen dio irrati telebista kate publiko britainiarrari. Zehazki, erakundearen arabera BBCk ez du “egiazkoak eta bidezkoak” diren albisteak zabaltzeko eskakizuna betetzen, eta Txinaren interes nazionala eta herrialdearen batasun nazioanala ahultzen ditu. Ondorioz, Txinan gaur hasten den urte berrirako emisio eskaera ez onartzea erabaki du Txinako erakundeak.

Nor da Alexei Navalni errusiako oposizioko kidea?

Duela hilabete eskas atxilotu zuten Errusian Alexei Navalni. Baina nor da Errusiako oposizioko kide hau? “Yábloko” alderdi liberalean ekin zion bere ibilbide politikoari. 2007an utzi zuen ordea alderdia, bere jarrera ultranazionalistak zirela eta alderditik kanporatzeko prozedura martxan zegoen bitartean. Bere alderdi edo mugimendu politiko propioa sortu zuen orduan, “Narod”, Herria, izenekoa. Jarrera ultranazionalista hori are nabarmenagoa izan zen urte hauetan. Gaur egun, Errusiako oposizioko kiderik ezagunena da Errusiatik at. Bere figura aztertu nahi izan dugu.

Gaur hasiko da Donald Trumpen aurkako bigarren impeachmenta

Gaur ekingo diote AEBetako senatuan Donald Trump presidente ohiaren aurkako bigarren impechmentari. Bereziki ezohikoa izango da epaiketa politiko hau hainbat arrazoirengatik. Hasteko, presidente baten aurka bi impeachment prozesu egiten diren lehen aldia da (lehenengoa duela urtebete baino gehiago egin zioten), eta aldi berean, dagoeneko karguan ez dagoen presidente baten aurka impeachment bat egiten den lehen aldia ere bada.

Yemeneko gerrarako Saudi Arabia armaz hornitzeari utziko dio AEBk

Joe Biden Ameriketako Estatu Batuetako (AEB) presidenteak iragarri duenez, Saudi Arabiak zuzentzen duen aliantza Yemenen egiten ari den erasoaldia babesteari utziko dio Washingtonek. Prentsaurreko berean gaineratu du Donald Trumpek militar estatu batuarrak Alemaniatik ateratzeko hartutako erabakia ere bertan behera uzten duela.

Mario Draghiren esku geratu da Italiako Gobernua eratzea

Mario Draghiri eman dio azkenean Matarellak italian gobernu berri abt eratzeko ardura. Antza denez, pandemiari aurre egiteko ardura izango lukeen gobernu teknokratiko bat eratzea izango litzateke Matarellaren asmoa, eta asmo horrekin eman dio Europako Banku Zentraleko presidente ohiari gobernu berria eratzeko enkargua.

Inoiz erabat galdu gabeko boterea berreskuratzeko estatu kolpea Myanmarren

Agintea zibilek ere osatutako gobernu baten esku utzi eta hamar urte baino gutxiagora botere osoa euren gain hartu dute berriz ere Myanmarreko militarrek, Aung San Suu Kyi-ren gobernuaren aurkako estatu kolpea emanda.

Militarrek botere kuota handia izan dute azken hamarkadan ere Myanmarren. Trantsizio demokratiko deitu zitzaionari ekin ziotenean osatutako 2008ko konstituzioak parlamentuko eserlekuen laurdena eta gobernuko hainbat ministerioren gaineko kontrola bermatzen dio armadari.

Hauteskunde kanpainako lehen debateak egin dituzte dagoeneko Katalunian

2 aste geratzen dira Kataluniako hauteskundeetarako, eta kanpaina hasi besterik egin ez den arren dagoeneko 2 debate edo eztabaida egin dituzte hautagaiek. Bart gauean RTVEn egindako debateak polemika gehiago eragin zuen ia emisioa hasi aurretik hautagaiak hizketan hasi ondoren baino. Irrati Telebista Kate publiko espainiarrak debatea gaztelera hutsean egitea erabaki zuen. Azkenean debate osoa katalanez egin zuten ERC, Junts, CUP eta PdCAT-eko hautagaiek, gehien gehiena katalanez En Comu Podem-eko hautagaiak, eta gazteleraz gainontzekoek.

Kalera irten dira preso zeuden buruzagi independentistak hiruagrren graduarekin

Amnistia eske. Halaxe irten dira gaur goizean Lledoners-eko espetxetik Oriol Junqueras, Jordi Turull, Joaquim Forn, Raül Romeva, Josep Rull, Jordi Sanchez eta Jordi Cuixart preso politiko kataluniarrak. Aldi berean Puig de les Basseseko espetxetik irten da Dolors Bassa ere, Generalitateak guztiei hirugarren gradua eman ondoren.
hamaika telebista

Image